İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 199 Hüküm no: 72 Orijinal metin no: [30a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mora’ya gönderilecek olan atların Büyükçekmece’ye kadar götürülmesi için bahçıvan esnafından yedekci tayini Bâ-sahh-ı âlî. Mora muhâcirînin menzil istikrâları. İstanbul kādısı fazîletlü efendi ve Havâss-ı refî‘a ve Üsküdar ve Galata kādıları fazîletlü efendiler hâlâ Mora vâlisi ve seraskeri vezîr-i mükerrem sa‘âdetlü İbrahim Paşa hazretlerinin tarafına irsâli tertîb olunan esblerin yedekciler ta‘yîniyle merhale be-merhale savb-ı maksûda îsâlleri lâzımeden olarak Dersa‘âdet’den dahi Çekmece-i kebîr’e varıncaya kadar ba‘zı esnâfdan yedekci tertîb ve terfîk olunması muktezî olmağla imdi zikrolunan esblerin Çekmece-i kebîr’e kadar götürmeleriçin mecmû‘ bağçevân esnâfından çoluk çocuk olmayarak yedekci erbâbından olarak seksen neferin serî‘an tertîb ve tehyi‘esi ile işbu yevm-i Perşembe ale’s-sabah Devehanı’nda mevcûd bulunmaları husûsuna mübâderet eyleyesiz deyü. Fî 28 Ra sene [1]241.