İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 200 Hüküm no: 73 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mora’ya gönderilecek olan atların Büyükçekmece’ye kadar götürülmesi için tülbentci esnafından yedekci tayini Bâ-sahh-ı âlî. İstanbul kādısı fazîletlü efendi. Mora cânibine giden esbler için emir. Hâlâ Mora vâlisi ve seraskeri vezîr-i mükerrem sa‘âdetlü İbrahim Paşa hazretleri tarafına irsâli tertîb olunan esblerin yedekciler ta‘yîniyle merhale be-merhale savb-ı maksûda îsâlleri lâzımeden olarak Dersa‘âdet’den dahi Çekmece-i kebîr’e varıncaya kadar ba‘zı esnâfdan yedekci tertîb ve terfîk olunması muktezî olmağla imdi zikrolunan esblerin Çekmece-i kebîr’e kadar götürmeleriçin dülbendci esnâfından çoluk çocuk olmayarak yedekci erbâbından olarak yüz neferin serî‘an tertîb ve tehyi‘esi ile işbu yevm-i Perşembe ale’s-sabah Devehanı’nda mevcûd bulunmaları husûsuna mübâderet eyleyesin deyü. Fî 28 Ra sene [12]41.