İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 219 Hüküm no: 87 Orijinal metin no: [35b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koyun etinin kıyyesinin 30 paraya satılması emri Bâ-sah. İstanbul kādısı fazîletlü efendi ve Hâssa kasabbaşısı ağa. Lahm-ı ganemin 30 paraya fürûht narhı. El-hâletü hâzihî esvâk ve pazarda lahm-ı ganemin kıyyesi otuz birer paraya fürûht olunmakda ise de hamden lillâhi te‘âlâ ağnâmda feyz ve bereket olduğundan fîmâ ba‘d kasab esnâfı lahm-ı ganemin beher kıyyesini otuzar paraya olarak ibâdullâha fürûht eylemeleri tensîb olunmuş olmağla esnâf-ı merkūmeyi huzûrunuza celb ile ba‘d ez-în lahm-ı ganem ol mikdâra fürûht olunup ziyâdeye fürûhta her kim cesâret eder ise tedîb olunacaklarını gûş-ı hûşlarına tefhîm ve ilkāya mübâderet eyleyesin deyü buyruldu. Fî 17 Za sene [1]241.