Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 393 Hüküm no: 456 Orijinal metin no: [73b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mustafa b. Hacı Ahmed’in borçlu olmadığı ve davanın reddi Mahmiye-i İstanbul’da Gedik Paşa kurbunda sâkin el-Hâc Osman b. Mahmud nâm kimesne meclis-i şer‘-i şerîf-i enverde işbu bâ‘isü’l-kitâb el-Hâc Mustafa b. el-Hâc Ahmed mahzarında üzerine da‘vâ ve takrîr-i kelâm edip bundan akdem mezbûr el-Hâc Mustafa’ya yüz otuz esedî guruş ikrâz ve teslîm ol dahi iktirâz ve kabz ve tesellüm etmeğin hâlâ mezbûr el-Hâc Mustafa meblağ-ı mezbûru bana edâdan imtinâ‘ eder suâl olunup alıverilmesi matlûbumdur dedikde gıbbe’s-suâl ve akībe’l-inkâr, müdde‘î-i mezbûrdan müdde‘âsına beyyine taleb olundukda ityân-ı beyyineden izhâr-ı acz ve istihlâf edicek fi’l-vâki‘ müdde‘î-i mezbûrdan yüz otuz guruş ikrâz ve kabz etmeyip meblağ-ı mezbûr zimmetine edâ lâzım gelmediğine mezbûr el-Hâc Mustafa’ya yemîn teklîf olundukda ol dahi hasbe’l-mes’ûl yemîn billâhi’l-aliyyi’l-a‘lâ etmeğin mûcebiyle mezbûr el-Hâc Osman bilâ-beyyine bî-vech mu‘ârazadan men‘ olunup mâ vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mehmed Efendi b. Mustafa, Mustafa Çelebi b. Abdurrahman, İbrahim Çelebi b. Ahmed, Mehmed b. İdris ve gayruhüm mine’l-hâzırûn.