İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 225 Hüküm no: 95 Orijinal metin no: [37a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’da herkesin ev ve dükkânlarının önünü temizlemesi emri Bâ-sahh-ı âlî. İstanbul kādısı fazîletlü efendi. Âsitâne-i Dersa‘âdet sokakları has ü hâşâk ile mülevves olduğundan süpürülüp tathîr olunması lâzımeden ve nezâfet kabîlinden olarak herkes hânesi ve dükkân önlerini süpürüp has ü hâşâkdan tathîr eylemesi husûsu bu def‘a iktizâ edenlere başka başka fermân-ı âlî ile tenbîh olunmuş olmağla imdi siz dahi herkes hâne ve dükkân önlerini tathîr eylemesi ve bundan sonra herkes hâne ve dükkân ve hânelerinden sokağa süpründü dökmemelerini ve her kimin hâne ve dükkânı önünde süpründü görülür ise tedîb olunacağını eimme-i mahallâtı celb ile gereği gibi tenbîh ve münâdîler ile tekîde mübâderet eyleyesin deyü. Fî 16 Z sene [1]241.