İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 230 Hüküm no: 102 Orijinal metin no: [38a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabunlara üretildikleri yerin ismiyle damga vurulması emri Bâ-sahh. İstanbul kādısı fazîletlü efendi. Girid ve İzmir ve Edremid ve Kuşadası ve Midilli ve Kazdağı taraflarından Dersa‘âdet’e vürûd eden sabunun birbirinden tefâvütü derkâr ve cümlesine Girid tamgası darbıyla ibâdullâha Girid sabunudur deyü fürûht olunarak müşteri zararı müeddî olmakda olduğundan bu maddenin hüsn-i nizâma rabtı lâzım geldiği âşikâr olmağla bu def‘a Âsitâne-i aliyyede i‘mâl olunan sabuna İstanbul nâmıyla kalıb yapıldığı misilli Girid’de kâin Hanya ve Kandiye ve Resmo ve sâlifü’z-zikr mahallerin her birine beldeleri ismine olarak bu tarafda birer tamga hak ettirilip şerîklerine irsâl ve ol vechile i‘mâl ettirmeleriçin bi’l-cümle sabun tüccârı ve nâzır ve sabuncu esnâfını celb ile tenbîh ve tekîde mübâderet eyleyesin deyü. Fî 18 M sene [1]242.