Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 395 Hüküm no: 459 Orijinal metin no: [73b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emetullah bt. Mustafa’nın Ayşe bt. Hasan’a borcu olduğu Mahmiye-i İstanbul hısnı ebvâbından Yenikapı kurbunda sâkine Ayşe bt. Hasan nâm hâtun meclis-i şer‘-i şerîf-i enverde Emetullah bt. Mustafa nâm hâtun mahzarında üzerine da‘vâ ve takrîr-i kelâm edip mezbûr Emetullah zimmetinde yedimde olan deyn temessüküne ketb ve terkīm olunduğu üzre yedimden iştirâ ve kabz eylediği bir çift incili küpe ve dokuz inci düğme ve iki top bez ve bir mak‘ad bahâlarından altmış esedî guruş hakkım olmağın suâl olunup meblağ-ı mezbûrun alıverilmesi matlûbumdur dedikde gıbbe’s-suâl mezbûre Emetullah cevâbında fi’l-hakīka müdde‘iye-i mezkûreye cihet-i mezkûreden altmış esedî guruş zimmetinde lâzımü’l-edâ deyni olduğunu ikrâr ve i‘tirâf etmeğin alâ mûcebi i‘tirâfihî meblağ-ı mezbûr altmış esedî guruşu müdde‘iye-i mezkûreye edâ ve teslîme mezbûre Emetullah’a tenbîh olunup mâ vaka‘a bi’t-taleb ketb olundu. Fi’l-yevmi’l-âşir min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mehmed b. İdris, Mehmed b. Ahmed, Ali b. Bâli, İbrahim Çelebi b. Ahmed, Hüseyin b. Mustafa, Şaban.