Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 395 Hüküm no: 460 Orijinal metin no: [74a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Safiye Hatun bt. Durmuş’un Sefer b. Mehmed’den muhâlaa yoluyla boşandığı Mahmiye-i İstanbul’da Sunullah Efendi mahallesinde sâkine olup zâtını ma‘rifet-i şer‘iyye ile ârifân Mehmed Habib? b. İdris ve Ebû Bekir b. Murad nâm kimesneler ta‘rîfleriyle mu‘arrefe olan Safiye Hâtun bt. Durmuş meclis-i şer‘-i şerîf-i enverde zevc-i muhâlı‘ı Sefer b. Mehmed nâm kimesne mahzarında ikrâr ve takrîr-i kelâm edip zevcim mezbûr Sefer ile beynimizde hüsn-i zindegânîmiz olmayıp hul‘a tâlibe olduğumda, beynimizde mütekarrir ve ma‘kūdun-aleyh olan bin mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Sefer ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eylediğinden sonra hukūk-ı zevciyyete ve bedel-i hul‘ deyû medfû‘um olan dört yüz akçeye müte‘allika âmme-i da‘vâdan her birimiz âharın zimmetini ibrâ-i âmm-ı râfi‘ü’l-hısâm ile ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâlis aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, İbrahim Efendi b. Abdülkādir, Bekir Beşe b. Murad, Ömer Çelebi b. el-Hâc Bekir ve gayruhüm mine’l-huzzâr.