Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 398 Hüküm no: 464 Orijinal metin no: [74b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Yakub’un Ahmed b. Mustafa’ya borcu olduğu Vilâyet-i Rumeli’nde medîne-i Sofya ahâlîsinden olup mahmiye-i İstanbul’da müsâfiren sâkin olan bâ‘isü hâze’r-rakīm Ahmed b. Mustafa nâm kimesne meclis-i şer‘-i şerîfde mahrûse-i Üsküdar müzâfâtından Kadıköyü’nde sâkin Mehmed b. Yakub nâm kimesne mahzarında üzerine da‘vâ ve takrîr-i kelâm edip mezbûr Mehmed zimmetinde yedimden müşterâ ve makbûz olan adedi beynimizde ma‘lûm ganem bahâsından üç yüz elli guruşun bana alıverilmesi matlûbumdur dedikde gıbbe’s-suâl merkūm Mehmed cevâbında fi’l-hakīka kaziyye minvâl üzre olup müdde‘î-i mezbûrun yedinden iştirâ ve kabz eylediği adedi beynlerinde ma‘lûm ganem bahâsından zimmetinde vâcibü’l-edâ ve lâzımü’l-kazâ meblağ-ı mezbûr üç yüz elli guruş müdde‘î-i mezbûra deyni olduğunu tâyi‘an ikrâr ve i‘tirâf etmeğin mûcebince meblağ-ı mezbûr üç yüz elli guruşu müdde‘î-i mezbûr Ahmed’e edâ ve teslîme mezbûr Mehmed’e tenbîh olunup mâ vaka‘a bi’t-taleb ketb olundu. Fi’l-yevmi’s-sâlis aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mahmud Bey b. Murad, Hasan Çavuş b. ( ), Mehmed Çavuş b. Süleyman, Osman Çavuş el-Mübâşir.