Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 399 Hüküm no: 465 Orijinal metin no: [74b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Yakub’un Yorgi v. Nikola’ya borcu olduğu Mahrûse-i Üsküdar’a tâbi‘ Kartal köyünde sâkin işbu bâ‘isü’s-sifr Yorgi v. Nikola nâm zimmî meclis-i şer‘-i şerîf-i enverde kasab tâifesinden olup Kadıköyü’nde sâkin Mehmed b. Yakub mahzarında üzerine da‘vâ ve takrîr-i kelâm edip târih-i kitâbdan üç ay mukaddem mezbûr Mehmed’e bey‘ ve teslîm ol dahi yedimden iştirâ ve kabz eylediği adedi beynimizde ma‘lûm koyun bahâsından beş yüz otuz yedi esedî guruş hakkım olup meblağ-ı mezbûrun bundan akdem bi’d-defe‘ât iki yüz kırk altı guruşu yedimden ahz u kabz edip iki yüz doksan bir guruşum bâkī kalmışdır hâlâ mezbûr Mehmed’e suâl olunup meblağ-ı bâkī-i mezbûrun alıverilmesi matlûbumdur dedikde gıbbe’s-suâl mezbûr Mehmed cevâbında kaziyye tafsîli mürûr eylediği vech üzre olup zikr olunan koyun bahâsından bâkī müdde‘î-i mezbûra vâcibü’l-edâ ve lâzımü’l-kazâ iki yüz doksan bir guruş deyni olduğunu ikrâr ve i‘tirâf etmeğin mûcebince meblağ-ı bâkī-i mezbûr iki yüz doksan yedi guruşu müdde‘î-i mezbûr Yorgi’ye edâ ve teslîme mezbûr Mehmed’e tenbîh olunup mâ vaka‘a bi’t-taleb ketb olundu. Fi’l-yevmi’s-sâlis aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Mahmud Bey b. el-Hâc Çavuş el-Mübâşir.