İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 362 Hüküm no: 183 Orijinal metin no: [66a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bayramda kurban artıklarının sokaklara atılmaması ve kadınların çarşı ve pazarlara çıkmaması Îd-i adhâda kurbân yasağı Bâ-sahh-ı âlî İstanbul kādısı fazîletli efendi İşbu îd-i adhâ-yı meserret-efzâda zebh olunacak karâbînin baş ve ayak ve ciğer ve fuzulâtları miyân-ı esvâk ve köşe ve bucaklara ilkā ile râyiha-i kerîhe hudûsuna sebeb ve illet olanların ve bâ-fermân-ı âlî memnû‘âtdan olan nisvân tâifesinin esvâk ve pazar ve mahallât aralarında geşt ü güzârlarının men‘ u def‘i lâzimeden olmağla imdi mahallât imâmlarını meclis-i şer‘e da‘vet ve işbu îd-i şerîfin ibtidâsı gününden hitâmına değin nisvân tâifesinin o makūle mahallerde geşt ü güzâr etmeyip hânelerinde karâr ettirilmesini ve kurbânların baş ve ayak ve ciğer ve fuzulâtı miyân-ı esvâk ve pazar ve köşe ve bucaklara ilkā olunmaması ve her kim hilâf-ı fermân-ı âlî harekette bulunur ise gereği gibi tedîb kılınacağını mahallesi ahâlîsine tenbîh eylemek üzere cümlesine başka başka ifâde ve tefhîme mübâderet eyleyesin deyü Fî 7 min Z sene 1243 Hamidtü’llâhe rabbî ma‘a-salâtî Alâ-hayri’l-verâ hâdi’l-hüdât [Mühür]