İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 370 Hüküm no: 192 Orijinal metin no: [67b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kösele fiyatının tespiti Kâvsâleye dâir İstanbul kādısı fazîletli efendi İbâdullâhın havâyic-i zarûriyelerinden olan ayakkabılarının gün be gün bahâları tezâyüd bulmakda ve ol cihetle ibâdullâha bir nev‘ hasârı mûcib olmakda olduğundan her bir nev‘in yeniden numûnesi tutulmak ve re’s-i mâlları bilinip iktizâsının tanzîmine bakılmak lâzım gelmiş olmağla ihtisâb ağası ve Debbâğhâne Nâzırı Azmi Efendi ve nâzır-ı sâbık Ragıb Efendi hâzır oldukları hâlde sâir erbâb-ı vukūfu dahi celb ile debbâğ esnâfının i‘mâl eyledikleri kâvsâle ve meşînin re’s-i mâlları ve harc ve mesârifât-ı nevbetleri ve kezâlik sahtiyân ticâretiyle me’lûf tüccârın el-yevm yedlerinde mevcûd envâ‘-ı sahtiyânın dahi re’s-i mâlları ve harc ve mesârifâtları bi’t-tahkīk tebeyyün ederek îcâb edecek kâr-ı şer‘îleri dahi zam ve fiyatları kat‘ ile defterini takdîme mübâderet eyleyesin deyü Fî 16 Ra sene 1244