İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 383 Hüküm no: 208 Orijinal metin no: [71b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gayr-ı müslimlerin Müslüman kıyafeti giymemesi Keferenin paskalya yasağı İstanbul kādısı fazîletli efendi Makarr-ı hilâfet-i hazret-i cihândârî olan Âsitâne-i devlet-âşiyâne ve havâlîsinde ba‘zı mahallerde tâife-i Nasârânın beyzâ-i sürh ve paskalya ta‘bîr eyledikleri bed-nâmları vâki‘ olduğu günlerde ehl-i İslâm’a mahsûs elbise ile esvâk ve pazarda geşt ü güzâr ve münâfi-i tavr-ı ra‘iyyet-i harekât-ı münkereye ictisâr eylemelerinin men‘ u def‘i lâzimeden olmağla imdi Âsitâne-i sa‘âdet derûnunda ve çarşı ve esvâkda tâife-i Rum ve Ermeniyânın bed-nâmları vâki‘ olduğu eyyâm-ı ma‘dûdede kendi ırzları ve siyâb-ı mahsûsalarıyla geşt ü güzâr ve münâfi-i tavr-ı ra‘iyyet-i harekât-ı gayr-ı marzıyeden mübâ‘adet ve ictinâb eylemek ve mukaddemâ bâ-fermân-ı âlî men‘ ve zecr olundukları kebîr kalpak ve elbise-i sâireyi iktisâ ve birbirleriyle mücâdele ve münâkaşa eylememek üzere tehdîd-i şedîd eylemeleri için tenbîhi lâzım gelenlere tenbîh-i ekîd eyleyesin deyü. Fî 21 L sene 1244