İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 385 Hüküm no: 210 Orijinal metin no: [72a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kurban bayramında kurban artıklarının sokaklara atılmaması Îd-i adhâda kurbân yasağı İstanbul kādısı fazîletli efendi İşbu îd-i adhâ-yı meserret-fermâda zebh olacak karâbînin baş ve ayak ve ciğer ve fuzulâtları miyân-ı esvâk ve köşe ve bucaklara ilkā ile râyiha-i kerîhe hudûsuna sebeb ve illet olanların ve bâ-fermân-ı âlî memnû‘âtdan olan nisvân tâifesinin esvâk ve pazar ve mahallât aralarında geşt ü güzârlarının men‘ u def‘i mühim ve muktezî olmağla imdi mahallât imâmlarını meclis-i şer‘e da‘vet ve işbu îd-i şerîfin ibtidâsı gününden hitâmına dek nisâ tâifesi esvâk ve pazar ve mahallâtda geşt ü güzâr etmeyip hânelerinde karâr ettirilmesi ve kurbânların baş ve ayak ve ciğer ve fuzulâtı miyân-ı esvâk ve pazar ve köşe ve bucaklara ilkā olunmaması husûslarını tenbîh ve tekîde mübâderet eyleyesin deyü. Fî 7 Z sene 1244