İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 385 Hüküm no: 211 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koyun eti fiyatına narh konulması Narh-ı lahm-ı ganem İstanbul kādısı fazîletli efendi Cümleye ma‘lûm olduğu üzere murâd-ı merâhim-i i‘tiyâd-ı hazret-i mülûkâne kâffe-i ibâdullâhın tevsî‘-i dâire-i inti‘âşları ile istihsâl-i vesâil-i âsâyişlerine masrûf olduğuna ve her ne kadar mukaddem lahm husûsuna narh verilmiş ise de el-hâletü hâzihî fâhiş fiyat ile lahm satılmakda olarak bu keyfiyet ibâdullâhın ızrârını mûcib olmakda idüğüne binâen fîmâ-ba‘d lahmın beher kıyyesini kırk paraya celebân tâifesi kasablara vermek ve kasablar dahi dörder para zam ile kırk dörder paraya ibâdullâha fürûht etmek tanzîmi husûsuna irâde-i aliyye ta‘alluk etmiş olmağla imdi ber-minvâl-i muharrer ba‘d-ez-în kırk dörder paradan ziyâdeye ibâdullâha lahm-ı ganem sattırılmaması husûsuna dikkat ve her kim hilâf-ı tenbîh harekete cesâret eder ise tedîb olunacakları iktizâ edenlerin gûş-i hûşlarına ilkā-birle siz dahi bu madde-i hayriyeye ale’d-devâm ikdâm ve nezâret eyleyesiz deyü. Fî 11 Z sene 1244