İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 398 Hüküm no: 219 Orijinal metin no: [76a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’dan yazılan süvari askerleri için binek hayvanı satın alınması Asâkir-i guzâta değer bahâ ile hayvân fürûhtu İstanbul kādısı fazîletli efendi ve ihtisâb ağası Bi-inâyeti’llâhi te‘âlâ bu def‘a Dersasadet’den piyâde ve süvâri asâkir ile külliyetli ordu ihrâcı musammem olduğuna ve süvâri asâkire mikdâr-ı kifâye hayvânâtın lüzûmu derkâr ise de el-hâletü hâzihî Dersa‘âdet’de matlûb vechile hayvânât bulunacağı meczûm idüğüne binâen Dersa‘âdet sekenesi yedlerinde ziyâde bulunup lüzûmu olmayan hayvânâtın mübâya‘ası lâzım gelmiş olmağla Dersa‘âdet’de o makūle kendüye lüzûmundan ziyâde hayvânâtı bulunanların re‘âyâ ve ehl-i İslâm hayvânları değer bahâ ile tâliblerine fürûht olunmak üzere keyfiyeti iktizâ edenlere tenbîh ile serî‘an iktizâsının icrâsına mübâderet eyleyesiz deyü buyruldu. Fî 3 S sene 1245