İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 409 Hüküm no: 228 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Harameyn-i Şerifeyn’e mektup göndereceklerin mektuplarını müjdecibaşına teslim etmeleri Müjdecibaşı mektûbuna dâir İstanbul kādısı fazîletli efendi Beher sene müjdecibaşı ağaların Ramazan-ı şerîfin ibtidâsı günü cânib-i Harameyn-i Şerîfeyn’e azîmet etmek üzere Üsküdar’a geçmeleri ve ashâb-ı zevrak ve ferâşet-i şerîfe mektûblarını Şa‘bân-ı şerîf içinde Harameyn Muhâsebesi kalemine götürüp müjdecibaşı-yı mûmâ-ileyhimâya teslîm eylemeleri nizâmı iktizâsından olduğuna ve el-hâletü hâzihî mûmâ-ileyhimânın hareket ve azîmetleri mevsimi takarrüb eylediğine binâen hemen herkes mektûblarını götürüp kalem-i mezbûrda mûmâ-ileyhimâya i‘tâ eylemelerini mahalleleri ahâlîsine şimdiden ifâde ve tefhîm etmelerini bi’l-cümle eimme-i mahallâta ekîden tenbîhe mübâderet eyleyesin deyü Fî 16 Şa‘bân sene 1245