İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 421 Hüküm no: 238 Orijinal metin no: [82b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
İstanbul’a gelen mal, eşya, kumaş, sebze, meyve ve diğer emtiadan alınacak vergi oranları
Defter-i rüsûmât-ı ihtisâbiye
İstanbul İhtisâbı Nâzırı Mustafa Efendi’nin tanzîm eylediği defter ve mukāta‘ât cizyesini [hazînesini] mesârifât ve vâridâtı nâzırları efendiler hazarâtının bi’l-iştirâk rikāb-ı hümâyûn-ı şâhâneye arz ve takdîm olunan takrîrleri bâlâsına şeref-yâfte-i sahîfe-i sudûr olan hatt-ı hümâyûn-ı şâhâne meâl-i münîfi üzere ba‘d-ez-în Âsitâne-i aliyye ve bilâd-ı selâseye berren ve bahren tevârüd eden zikr-i âtî emti‘a ve eşyâ ve envâ‘-ı erzâkdan alınacak mebâliğin mikdârını mübeyyin ilmuhaberdir.
Bakkāl esnâfının nizâm ustaları cümleten müte‘ahhid olarak kethüdâları ma‘rifetiyle revgan-ı sâde ve çervişîn beher kıyyesinden birer para tahsîl olunmakda olduğu Kıyye 1 Para 1 Pirinççi esnâfının çend nefer ustaları müte‘ahhid olarak kethüdâları ma‘rifetiyle pirincin beher kıyyesinden kezâlik birer para tahsîl olunmakda ise de Asâkir-i Mansûre için mübâya‘a olunan pirinçlerden resm-i ihtisâb talebinden sarf-ı nazar olunduğu Para 1 Bakırcı esnâfının ustaları cümleten müte‘ahhid olarak kethüdâ ma‘rifetiyle cedîd bakırın beher kıyyesinden sekizer para ve köhne bakırın beher kıyyesinden altışar para tahsîl olunmakda olduğu Kuruyemişçilerin kethüdâsı ve ihtiyârları ma‘rifetiyle razaki üzümü ve çekirdeksiz üzüm ve kāffer ve incir ve iğde ve bunların emsâli envâ‘-ı kuruyemişin beher kantarından altmışar para tahsîl olunmakda olduğu Kantâr 1 Para 6 Cedîd bakır Kıyye Para 8 Köhnesinden Kıyye Para 6 Esnâf-ı mezkûrun ma‘rifetiyle harrubun beher kantarından onar para ve fındığın beher kantarından yirmi beşer para tahsîl olunmakda olduğu Kantâr 1 Para Fındık: 25 Harrub: 10 Âsitâne-i aliyyede ve havâlîsinden tevârüd eden kâffe-i meyve-i ter füruhtda yüz guruşdan altmışar para resm-i ihtisâb tahsîl olunmakda olduğu Guruş 100 Para 60 Revgan-ı zeyt esnâfının kethüdâları ve ihtiyârları ma‘rifetleriyle fürûht olunan revgan-ı zeytin beher kıyyesinden birer para tahsîl olunmakda olduğu Kıyye Para 1 Envâ‘-ı zeytinin beher kıyyesinden kezâlik birer para tahsîl olunmakda olduğu Kıyye 1 Para 1 Pasdırma ve sucuk ve bunların emsâli nesnelerin dahi beher kıyyesinden birer para tahsîl olunmakda olduğu Kıyye 1 Para 1 Âsitâne-i aliyyeye etrâf ve eknâfdan tevârüd eden ecnâs-ı kerestenin füruhtda ebniye-i mîrîyeye verilenden mâ‘adâ kerestelerden guruşda birer para tahsîl olunmakda olduğu Para 1 Duhâncı esnâfının kethüdâsı ve çende nefer duhâncılar müte‘ahhid olarak a‘lâ duhânın beher kıyyesinden dörder para ve ednâsının beher kıyyesinden ikişer para tahsîl olunmakda olduğu A‘lâ duhân Para 4 Ednâ duhân: 2 Sabun nâzırı ma‘rifetiyle bi’l-îcâb tevzî‘ olunan sabunun beher kıyyesinden ma‘rifet-i mûmâ-ileyh ile beher guruşda birer para tahsîl olunmakda olduğu Kıyye 1 Para 1 Cânib-i mîrîde matlûbâtı olan verilecek mücevherât elinde gālî bahâ ile i‘tâ olunacağından matlûbât bedeli iştirâ olunan mücevherâtdan mâ‘adâ gerek kuyumcu çarşısında ve gerek metrûkâtlarda fürûht olunan mücevherâtın envâ‘ından Darbhâne-i Âmire usûlüne halel gelmeyerek müşterilerinden guruşda birer para tahsîl olunmakda olduğu Guruş Para 1 Selefi ma‘rifetiyle berren tevârüd eden kömürün beher arabasından on ikişer para ahz olunduğuna nazaran bir araba kömür üç yüz ve yâhud dört yüz kıyye i‘tibârıyla beher yüz vakıyye kömüre dörder para isâbetiyle bahren kömürlerden dahi kendi ma‘rifetiyle cânib-i mîrîye fürûht olunan kömürlerden başka beher yüz vakıyye kömürden dörder para tahsîl olunmakda olduğu Kıyye 100 Para 4 Atpazarı’nda fürûht olunan at ve bârgirlerden müşterilerinden beher guruşda birer para tahsîl olunmakda olduğu Guruş Para 1 Âsitâne-i aliyyeye tevârüd eden envâ‘-ı penâir ve yoğurtlardan beher kıyyede birer para tahsîl olunmakda olduğu Kıyye 1 Para 1 Âsitâne-i aliyyeye tevârüd eden nohudun beher guruşda birer para tahsîl olunmakda olduğu Guruş Para 1 Âsitâne-i aliyyeye tevârüd eden kettân tohumunun beher kıyyesinden birer para tahsîl olunmakda olduğu Kıyye 1 Para 1 [83a] Âsitâne-i aliyyeye tevârüd eden susamın beher guruşda birer para tahsîl olunmakda olduğu Guruş Para 1 Kezâlik envâ‘-ı baklanın beher guruşunda birer para tahsîl olunmakda olduğu Guruş Para 1 Tevârüd eden böğrülcenin beher kilesinde yirmişer para tahsîl olunmakda olduğu Keyl 1 Para 20 Kezâlik tevârüd eden fasulyenin beher kilesinden yirmişer para tahsîl olunmakda olduğu Keyl 1 Para 20 Kezâlik mercimeğin beher kilesinden yirmişer para tahsîl olunmakda olduğu Keyl 1 Para 20 Tevârüd eden soğanın beher yüz vakıyyede onar para resm-i ihtisâbiye tahsîl olunmakda olduğu Kıyye: 100 Para: 10 Tevârüd eden sirkenin beher vakıyyede birer para resm-i ihtisâbiye tahsîl olunmakda olduğu Kıyye: 1 Para: 1 Kezâlik tevârüd eden havyarın beher kıyyesinden sekizer para tahsîl olunmakda olduğu Kıyye: 1 Para: 8 Lakenda ve sardalya ve kolyoz bunların emsâli tuzlu balığın beher varilinden seksener para tahsîl olunmakda olduğu Para: 80 Kezâlik tevârüd eden hurmanın beher guruşunda birer para tahsîl olunmakda olduğu Guruş Para: 1 Fürûht olunan dakīkin beher kıyyesinden birer para resm-i ihtisâbiye tahsîl olunmakda olduğu Kıyye: 1 Para: 1 Tevârüd eden tâze üzüm küfesinin beherinden beşer para tahsîl olunmakda olduğu Para: 5 Ekşi eriğin beher guruşda birer para tahsîl olunmakda olduğu Para: 1 Pekmez ve bulama ve turşu ve reçel kezâlik guruşda birer para tahsîl olunmakda olduğu Para: 1 Şıralık üzüm gerek fıçı ve gerek beher küfeden kırkar para tahsîl olunmakda olduğu Para: 40 Tevârüd eden kuş yeminin beher guruşda birer para tahsîl olunmakda olduğu Para: 1 Tevârüd eden göğden kezâlik guruşda birer para tahsîl olunmakda olduğu Para: 1 Taşraya giden demirin beher kantarından otuzar para tahsîl olunmakda olduğu Kantâr Para: 30 Âsitâne-i aliyyeye gelen demirin beher kantarından otuzar para tahsîl olunmakda olduğu Kantâr Para: 30 Taşra giden çelik sandığının beherinden ellişer para tahsîl olunmakda olduğu Para: 50 Cins-i cedîd[de]n olan çeliğin beher guruşunda birer para tahsîl olunmakda olduğu Para: 1 A‘lâ kelle şekerinin beher kantarında üçer guruş tahsîl olunmakda olduğu Guruş: 3 Ednâ kelle şekerinin beher kantarında ikişer guruş tahsîl olunmakda olduğu Guruş: 2 Kaba şekerin beher kantarında yetmişer para tahsîl olunmakda olduğu Para: 70 Yüz yirmilik kâğıdın beher denginden üçer guruş tahsîl olunmakda olduğu Guruş: 3 Âsitâne’ye gelen balmumunun beher kantarından onar para tahsîl olunmakda olduğu Guruş: 10 Âsitâne’ye gelen çimşirin beher kantarından onar para tahsîl olunmakda olduğu Para: 10 Taşraya giden çimşirin beher kantarından kırkar para tahsîl olunmakda olduğu Para: 40 Âsitâne’ye gelen kahvenin beher tobrasından yüzer para tahsîl olunmakda olduğu Para: 100 Zac boyasının beher kantarından yetmişer para tahsîl olunmakda olduğu Para: 70 Teneke sandığının beherinden yüzer para tahsîl olunmakda olduğu Para: 100 Zift ve katran ve reçinenin beher kantarından üçer para tahsîl olunmakda olduğu Para: 3 Kaba kâğıdın beher guruşunda birer para tahsîl olunmakda olduğu Para: 1
# [83b]
Mor bakkām boyasının beher guruşunda birer para tahsîl olunmakda olduğu Para: 1 Tire menteninin beher guruşundan kezâlik birer para tahsîl olunmakda olduğu Para: 1 Latronun beher guruşundan kezâlik birer para tahsîl olunmakda olduğu Para: 1 İngiliz tuzunun beher kantarından onar para tahsîl olunmakda olduğu Para: 10 Uhra boyasının beher guruşda birer para tahsîl olunmakda olduğu Para: 1 Otluk ve saman arabalarının beherinden on ikişer para tahsîl olunmakda olduğu Para: 12 Kömür ve sebzevât arabalarının beherinden on ikişer para tahsîl olunmakda olduğu Para: 12 Hatab ve saman arabalarının beherinden dörder para tahsîl olunmakda olduğu Para: 4 Sürücü bârgirlerinin beherinden ikişer para tahsîl olunmakda olduğu Para: 2 Tevârüd eden yumurtanın beher bin aded yumurtadan ellişer yumurta tahsîl olunmakda olduğu Yumurta Aded: 50 Geşt ü güzâr eden küfeli ve tablakârların beherinden ikişer para tahsîl olunmakda olduğu Para: 2 Hergele ve bu misillü hayvânâtın beherinden onar para tahsîl olunmakda olduğu Para: 10 Re‘âyâ düğünlerinin beherinden beşer guruş tahsîl olunmakda olduğu Guruş: 5 Tevârüd eden kiremid ve tuğladan beher guruşda birer para tahsîl olunmakda olduğu Para: 1 Kayatuzu beher kıyyede birer para tahsîl olunmakda olduğu Para: 1 Âsitâne’ye tevârüd eden kalay ve nişadırın kezâlik guruşda birer para resm-i ihtisâb tahsîl olunmakda olduğu Cânib-i mîrîye verilen envâ‘-ı çivilerden mâ‘adâ fürûht olunan ecnâs-ı çividen ve gönlekden dahi kezâlik guruşda birer para tahsîl olunmakda olduğu Âsitâne’ye tevârüd eden çividin fürûhtundan beher guruşda birer para resm-i ihtisâb tahsîl olunmakda olduğu Debbâğhânede basılan yapağının beher kıyyesinden birer para ve gelen yapağının çuvallarından beş guruş ve palamudun beher kantarından onar para ve şa‘îr ve alef ve kaplıca ve darı beher kilede ikişer para ve kurâlardan Üsküdar’a gelen balmumunun beher kıyyede beşer para ve iskeleye gelen hatabın beher çekisinden dörder para tahsîl olunmakda olduğu
# Damga odasında darb-ı damga olunan emti‘a-i mütenevvi‘a ve eşyâ
Çulha esnâfı
Gömleklik a‘lâ penbe zarın beher topu altmışar ve a‘lâya karib penbe zarın beher topu kırkar guruşa ve ednâsının beher topu otuzar guruşa selefi gününde karâr verilerek guruşda birer para resm-i ihtisâb tahsîl olunmakda olduğu Bürünceğin beher topu otuz guruşa kezâlik selefi gününde bu vechile karâr verilerek guruşda birer para tahsîl olunmakda olduğu
Dülbendci esnâfının
A‘lâ tenzîf dülbendinin beher topu yüz yirmişer ve nev‘-i diğerinin beher topu altmışar guruşa ve gāyetü’l-gāye a‘lâsının bir topu yüz altmış guruşa olmak üzere guruşda birer para tahsîl olunmakda olduğu Nev‘-i diğer tenzîf dülbendinin beher topu ellişer guruşa ve nev‘-i diğeri beher topu altmışar guruşa olmak üzere guruşda kezâlik birer para tahsîl olunmakda olduğu A‘lâ mermer dülbendinin beher topu altmışar guruşa evsat mermer dülbendinin beher topu kırkar guruşa beç mermer dülbendinin beher topu otuzar guruşa olmak üzere kezâlik guruşda birer para tahsîl olunmakda olduğu Nev‘-i diğer mermer dülbendinin beher topu otuz beşer guruşa a‘lâ savaşbud? dülbendinin beher topu kırkar guruşa ve nev‘-i diğer savaşbud? dülbendinin beher topu otuz guruşa ve ednâsının dahi beher topu yirmi altışar guruşa olmak üzere guruşda birer para tahsîl olunmakda olduğu
[84a]
Nev‘-i diğer savaşbud? dülbendinin beher topu yirmişer guruşa ve ednâ surâhı dülbendinin beher topu yirmişer guruşa çapalı dülbendinin beher topu otuzar guruşa tansuf? dülbendini beher topu yüz yirmi guruşa nev‘-i diğeri otuz guruşa olmak üzere guruşda birer para tahsîl olunmakda olduğu Yerli dülbendinin beher topu onar guruşa a‘lâ …? dülbendinin beher topu kırkar guruşa ve nev‘-i diğeri otuzar guruşa olmak üzere guruşda birer para tahsîl olunmakda olduğu İngiltere-kârî basma beher topu ellişer guruşa aynalı batistanın beher topu kırkar guruşa Fransız batistanın beher topu ellişer guruşa olandanın? beher topu otuzar guruşa üç nev‘i bu siyâkda ve nev‘-i diğeri yirmi guruşa olmak üzere guruşda birer paradır Ketân dülbendinin beher topu on guruşa üç nev‘i bu siyâkda ve ed[n]â basmanın beher topu otuzar guruşa ve evsatının kırk guruşa ve a‘lâsının altmış guruşa ve nev‘-i diğeri kırk beş ve elli ve elli beş guruşa olmak üzere guruşda birer para tahsîl olunmakda olduğu Merinozun? beher zirâ‘ı yedişer guruşa merinozun? beher topu altmış guruşa pâzenin beher topu kırkar guruşa ve nev‘-i diğerinin beher topu kırk beş guruşa ve hâssasının beher topu on beş on altı guruşa çifte hâssanın beher topu altmış guruşa ve altmış beş guruşa olmak üzere guruşda birer para tahsîl olunmakda olduğu Amelikan bezinin beher topu doksan guruşa ve nev‘-i diğeri beher topu yetmiş guruşa ve nev‘-i diğeri otuz beşer guruş ve nev‘-i diğeri kırk dörder guruşa olmak üzere guruşda birer para tahsîl olunmakda olduğu Hâs basmanın beher topu altmışar guruşa diğer nev‘i yüz otuzar guruşa ve diğeri yüz seksen guruşa ve yüz kırkar guruşa ve Kastamonu çiti beher topu onar guruşa olmak üzere guruşda birer para tahsîl olunmakda olduğu Çifte batistanın beher topu yetmiş guruşa ve nev‘-i diğeri kezâlik ve diğer nev‘i elli ve altmış guruşa ve kalikorun? beher topu yetmişer guruşa olmak üzere guruşda birer para tahsîl olunmakda olduğu Fransızın şeytân bezi yardası iki guruşa ve İngiltere-kârîsinin elli beş guruşa ve nev‘-i diğeri kırk beş guruşa ve kırk üç guruşa ve diğer nev‘i altmış guruşa olmak üzere guruşda bir para tahsîl olunmakda olduğu Amidî bezi beher topu üç guruşa Malatya bezi beher topu beş guruşa kalemkâr yorgan yüzünün beheri yüz otuz guruşa kalemkâr yemeninin beheri otuz guruşa ve nev‘-i diğeri yirmi beş guruşa ve nev‘-i diğeri yirmi guruşa ve kalemkâr yasdık yüzünün beheri otuz birer guruşa olmak üzere guruşda birer para tahsîl olunmakda olduğu
Kuşakçı Esnâfı
Tosya şalının beheri sekizer guruşa kebîr çiçekli şalın beheri kırkar guruşa sağīr çiçekli şalın beheri yirmi beşer guruşa güvez işleme şalının beheri otuz guruşa hama ta‘bîr olunan kuşak yirmi beş guruşa hartuşluk yedi guruşa kaba şal dört guruşa
Çukacı Esnâfı
Yaka çukasının beher zirâ‘ı yirmi altı guruşa ve nev‘-i diğeri yirmi dört guruşa ve ipekli çukanın zira‘ı on iki guruş on yedi paraya ve diğeri on iki guruş ve diğeri kezâlik guruşda birer para tahsîl olunmakda olduğu Al yün çukasının beher zira‘ı otuzar guruşa ve diğer nev‘i yirmi guruşa ve nev‘-i diğeri yirmi iki guruşa olmak üzere guruşda birer para tahsîl olunmakda olduğu Uçkurna çukasının beher zira‘ı yirmi guruşa ve nev‘-i diğeri on altı guruşa olmak üzere guruşda birer para tahsîl olunmakda olduğu İnce rîf çukasının beher zira‘ı on iki guruşa ve nev‘-i diğeri dahi kezâlik ve diğer nev‘i on guruşa ve kaba rîf çukasının beher zira‘ı yedi guruşa ve nev‘-i diğeri altı ve beş guruşa kezâlik guruşda birer para tahsîl olunmakda olduğu
Havlucu ve Peştemâlcı Esnâfı
On sekiz urubluk Felemenk havlu yirmi iki guruşa ve nev‘-i diğeri yirmi guruşa ve diğeri on altı guruşa ve diğeri on guruşa ve diğeri dokuz guruşa ve sekiz guruşa ve diğeri beş guruşa olmak üzere guruşda birer para On yedi urubluk kaba havlu on beş guruşa on iki urubluğu on bir guruşa ve diğeri sekiz ve yedi buçuk ve altı ve beş buçuk ve sekiz buçuk guruşa olmak üzere guruşda birer para İki endâzeden bohça mendil beheri altı buçuk guruşa ve diğer nev‘i beş guruşa ve nev‘-i diğeri dört ve diğeri üç buçuk ve diğeri üç guruşa olmak üzere guruşda birer para tahsîl olunmakda olduğu On beş çubuklu peştemâl elli guruşa on iki çubuklusu kırk guruşa ve nev‘-i diğeri otuz iki guruşa ve nev‘-i diğeri yirmi altı guruşa ve diğeri yirmi bir guruşa ve diğer nev‘ileri on bir ve altı guruşa olmak üzere guruşda birer para tahsîl olunmakda olduğu
[84b]
Elli beş kalem Selanikkârî peştemâl yirmi sekiz guruşa ve kırk beş kalem peştemâl on dört guruşa ve diğeri on bir guruşa olmak üzere tahsîl olunmakda olduğu Santranç yatak bağının beheri dokuz guruşa ve nev‘-i diğeri sekiz guruşa ve nev‘-i diğeri yedişer guruşa olmak üzere guruşda birer para tahsîl olunmakda olduğu Mâh? bezi beher topu sekizer guruşa emeldin bezi üç guruşa ve Merzifonkârî beledî takım beheri sekizer guruşa Selanik taklîdi peştemâl on beş guruşa ve diğeri on dört ve on bir guruşa olmak üzere guruşda birer para Siyah ve beyâz kaba peştemâl sekiz guruşa ve nev‘-i diğeri yedi guruşa ve diğer nev‘i altı guruşa ve diğer nev‘i beş guruşa ve nev‘-i diğeri dört guruşa olmak üzere guruşda birer para tahsîl olunmakda olduğu Leblebi silecek havlunun beheri dokuzar guruşa ve nev‘-i diğerinin sekiz ve yedi ve altı guruşa olmak üzere tahsîl olunmakda olduğu Santranç peşkir beheri dokuz guruşa ve nev‘-i diğeri yedişer guruşa ve diğeri beheri altışar buçuk guruşa olmak üzere guruşda birer para tahsîl olunduğu
Kilim ve Seccâdeci Esnâfı
Uşakkârî seccâde beheri altmış guruşa ve diğeri elli guruşa ve diğer nev‘i otuz beş guruşa olmak üzere karâr verilerek guruşda birer para tahsîl olunmakda olduğu Kilim ve seccâde beheri on beş ve diğer nev‘i altmış guruşa ve diğer nev‘i kırk guruşa ve nev‘-i diğeri on guruşa olmak üzere kezâlik guruşda birer para tahsîl olunmakda olduğu Gedüs (Gediz) seccâdesinin a‘lâsı yüz yetmiş guruşa nev‘-i diğerinin beheri yüz yirmi beş guruşa ve diğeri yetmiş beş guruşa kezâlik guruşda birer para tahsîl olunmakda olduğu Sishâne kilimi beheri ellişer guruşa ve diğeri altmış guruşa ve diğer nev‘i otuz beş guruşa olmak üzere kezâlik guruşda birer para tahsîl olunmakda olduğu Ozman seccâde beheri on guruşa ve Kula seccâdesi beheri on sekizer guruşa ve diğeri yirmi beş guruşa olmak üzere guruşda birer para tahsîl olunmakda olduğu A‘lâ Türkmen kilimi elli guruşa evsatı kırk guruşa ednâsı otuz guruşa olmak üzere guruşda birer para olmak üzere tahsîl olunmakda olduğu Lazkırı kilimi beheri onar guruşa seccâdesi beheri otuzar guruşa yörük kaliçesi beheri ellişer guruşa olmak üzere kezâlik guruşda birer para tahsîl olunmakda olduğu Şarköy kilimi beheri yüzer guruşa nev‘-i diğeri yetmiş guruşa ve nev‘-i diğeri ellişer guruşa olmak üzere guruşda birer para tahsîl olunmakda olduğu İhrâmın beheri yirmişer guruşa ve diğeri on iki guruşa ve nev‘-i diğeri yirmi yedi guruşa ve diğer nev‘i otuz beş guruşa olmak üzere guruşda birer para olmak [üzere] tahsîl olunmakda olduğu
# Çekmece ve mülhakātı ve Derbendâtından ve rüsûmât alınan eşyâ
Âsitâne-i aliyyede taşra giden emti‘a-i mütenevvi‘adan Çekmece-i Sağīr’den tüccâr tâifesinin yapağı yününün beherinden kırkar para hınta ve şa‘îr ve alaf arabalarından yüzer para ve arak arabasından on guruş gerek Çekmece ve gerek taşradan mürûr [u] ubûr eden arabalardan iki buçuk guruş olmak üzere tahsîl olunmakda olduğu Ehl-i İslâm’ın mürûr [u] ubûrlarında piyâdeden dörder süvâriden altışar para ve re‘âyâdan olmak üzere Edirne’den öte sılasına giden ise beher piyâdeden on sekiz para ve süvârilerden yirmi dörder para ve tüccârların yapağı arabalarından ve koyun ve sığır derisi arabalarından beşer guruş tahsîl olunmakda olduğu Tekfurdağı’ndan gelen kuru bamyanın beher çuvalından altmış para ve Rumeli tarafından tevârüd eden tavuk ve peynir ve keten tohumu ve susam arabalarından beherinden yüzer para tahsîl olunmakda olduğu Hınta ve dakīk ve bulgur ve tarhana arabalarından yüzer para yapağı arabalarından sekizer guruş hamîr arabalarından onar guruş kömür ve saman yüklerinden altışar para tahsîl olunmakda olduğu Kömür ve saman arabalarından on iki para kaz ve hindi tavuklarının beherinden ikişer para süvâri sürücülerden dörder para tahsîl olunmakda olduğu Çerçi yüklerinden ve bu misillü hamûleden ellişer para ve Yedikule’ye tevzî‘e gelmeyip Dersa‘âdet’e ve Boğaziçi’nde fürûht olunan koyun ve kuzu beherinden ikişer para tâze otluk yüklerinden üçer para ve tâze incir ve üzüm küfelerinden beşer para tahsîl olunmakda olduğu
|