İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 443 Hüküm no: 249 Orijinal metin no: [89a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul mahkemelerinde çalışan memurlar için Perşembe gününün tatil olması Ta‘tîlât emri İstanbul Mahkemesiyle bilâd-ı selâse mehâkiminde tahrîr-i nüfûsa me’mûr ketebe beher hafta Perşembe günleri havâyic-i beytlerini tanzîm etmek üzere ta‘tîl istid‘â etmiş olduklarından keyfiyet hâk-i pây-ı hümâyûn-ı şâhâneden lede’l-istîzân ol vechile Perşembe günleri ketebe-i merkūmenin ta‘attüllerine müsâ‘ade-i seniyye-i şâhâne erzân buyrulmuş olmağla keyfiyeti Başmuhâsebe’ye kayd ile mehâkim-i mezkûreye ilmuhaberlerinin i‘tâsına himmet olunmak bâbında beyâz üzerine sâdır olan fermân-ı âlî mûcibince Başmuhâsebe’ye kayd ile ilmuhaberleri tahrîr olunmak fermân buyrulmağın mûcibince kaydolunup diğer ilmuhaberleri verilmekle keyfiyet ma‘lûm olmak için İstanbul Mahkemesi tarafına dahi işbu ilmuhaber verildi. Fî 27 R sene 1246