İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 459 Hüküm no: 264 Orijinal metin no: [93b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Doğan ve ölenleri kaydetmekle görevlendirilen kişilere maaş tahsisi Mahallâta me’mûr kâtiblerin ma‘âş sûreti Berây-ı ta‘yîn-i ma‘âş iki nefer kâtibân me’mûr-ı tahrîr ve terkīn-i tevellüd ve müteveffâ ve dâhil ve hâric-i sekene-i İstanbul ki pîş ezîn sekene-i mezbûre bâ-irâde-i seniyye tahrîr ve defâtir îşân tanzîm bude ve ba‘d-ez-în der-vukū‘-ı tevellüd ve fevt ve dâhil ve hâric-i sekene-i mezbûre tahrîr ve terkīn eş kâtibân-ı mûmâ-ileyhimâ ta‘yîn ve me’mûr ve in kadar meblağ bâ- i‘tibâr an gurre-i . Ca sene 1245 ma‘âş tahsîs eş ve irâde-i aliyye ta‘yîn kerde ve sûret fermûde ber-mûceb-i tezkire-i hazret-i kādı-i İstanbul ve fermân-ı âlî fî-27 R sene 1245 ve bâ-fermân-ı şerîf Neferen 2 Fî şehr Guruş 250 Beherine Fî Guruş 125 Bu def‘a bâ-irâde-i hazret-i şehinşâhî sâdır olan fermân-ı âlî mantûkunca sekene-i İstanbul tahrîr ve ittihâz olunan defterlerinin ale’d-devâm vukū‘ bulacak tevellüd ve fevti ve dâhil ve hârici tahrîr ve terkīn için ta‘yîn ve tahsîs kılınan iki nefer kâtiblerin ancak umûrları bu husûs olup âhar mahalde n medâr-ı ma‘aşları dahi olmadığından merkūmâna ta‘ayyüş olunacak mertebe mâhiye yüz yirmi beşer guruşdan iki yüz elli guruş ta‘yîni husûsunu fazîletli İstanbul kādısı efendi hazretleri bir kıt‘a tezkiresiyle inhâ etmekle mûcibince tanzîmine mübâderet olunmak bâbında sâdır olan fermân-ı âlî mûcibince Başmuhâsebe’ye kayd gurre-i Cumâdelûlâdan i‘tibâren ta‘yîn olunduğu müş‘ir sûreti verilmek fermân buyrulmağın mûcibince kaydolunup sâlifü’z-zikr kâtib-i mûmâ-ileyhimâya mâh-ı mezkûr gurresinden şehriye iki yüz elli guruş maaş ta‘yîn olunduğunu mübeyyin işbu sûret verildi. Fî 27 R sene 1245