İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 462 Hüküm no: 266 Orijinal metin no: [94a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Doğan ve ölenleri kaydetmekle görevlendirilenlerin müdürü Avnullah Efendi’nin maaşına zam yapılması Avnullah Efendi’nin ma‘âş sûreti Berây-ı zamm-ı ma‘âş-ı Avnullah Efendi müdîr-i mukayyidât-ı me’mûre-i tahrîr ve terkīn-i tevellüd ve müteveffâ ve dâhil ve hâric-i sekene-i İstanbul ki pîş ezîn sekene-i mezbûre bâ-irâde-i seniyye tahrîr ve defâtir-i îşân tanzîm ve mûmâ-ileyh müdîr-i mukayyidât nasb ve in kadar meblağ ma‘âş ta‘yîn şüdde ve hâlâ …? tezâyüd-i …? be-ma‘âş-ı mûmâ-ileyh in kadar meblağ zam eş irâde-i celîle ta‘alluk kerde ve tasrîh-i ismeş be-yed-i mûmâ-ileyh sûret dâde fermûde ber-mûceb-i memhûr takrîr-i hazret-i kādı-i İstanbul ve fermân-ı âlî. Fî-26 Z sene 1245 ve derkenâr ve bâ-fermân-ı şerîf Fî şehr Guruş Kadîm 150 Zam 50 200 Bundan akdem sekene-i İstanbul’un tahrîr ve ittihâz olunan defâtirlerinin ale’d-devâm vukū‘ buldukça tevellüd ve fevtini ve dâhil ve hâricini tahrîr ve terkīne ta‘yîn ve tahsîs kılınan Avnullah Efendi’nin mâhiyesinin iki yüz guruşa iblâğı bundan akdem iltimâs olundukda mâhiye-i sâbıkı olan yüz yirmi beş guruşu yirmi beş guruş zam ve ilâve ile ikrâm ve vaktiyle meblağ-ı mezbûra itmâm olunur kelâmıyla tevkīf olunmuş ise de efendi-i mûmâ-ileyhe bu husûs ile sâir ketebe-i sâireden sarf-ı nazar ederek dikkat ve ihtimâm ve taşradan Der-aliyye’ye gelip tavattun edenlerin i‘lâmlarının tahrîri bir madde-i müstakil denilmeği sezâ olduğunu ve topunu mûmâ-ileyh tahrîr eylediğini beyân-birle bundan sonra şevkine fütûr vermeyerek mücerred ikdâmını mûcib olmak için mâhiyesinin iki yüz guruşa iblâğıyla ismi tasrîh olunarak yedine sûret i‘tâsı husûsunu fazîletli İstanbul kādısı efendi hazretleri bâ-takrîr inhâ etmekle mûcibince iki yüz guruşa iblâğ olunmak bâbında sâdır olan fermân-ı âlî mûcibince verilen sûret kaydı ba‘de’l-ihrâc mûcibince ismi tasrîh olunarak müceddeden sûreti verilmek fermân buyrulmağın mûcibince kaydolunup sâlifü’z-zikr mûmâ-ileyhin ma‘âşı iki yüz guruş olduğunu mübeyyin işbu sûret verildi. Fî gurre-i M sene 1246