Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 407 Hüküm no: 477 Orijinal metin no: [77b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Yorgi v. Kiryako’nun mirasının Yorzan v. Andriye’ye intikal ettiği Vilâyet-i Gümüşhâne sükkânından olup bundan akdem garîkan hâlik olan Kara Yorgi v. Kiryako v. Yorgi’nin li ebeveyn ammi oğlu ve hasren vârisi olan Yorzan v. Andriye nâm zimmî meclis-i şer‘-i hatîr-i enverde işbu bâ‘isü’l-vesîka Manol Reis v. Yani muvâcehesinde ikrâr ve takrîr-i kelâm [edip] mûrisimiz hâlik-i mezbûrun gāib ani’l-meclis Abuz Reis v. Yani zimmetinde cihet-i deyn-i şer‘îden yüz esedî guruş hakkı olup meblağ-ı mezbûru ahz u kabz ve kendiye îsâle hayâtında mezbûr Manol Reis’i tarafından vekîl etmekle ol dahi vekâlet-i mezbûreyi kabûl ve meblağ-ı mezbûru bi’l-vekâle kabz ettikden sonra meblağ-ı mezbûru kable’l-ahz mezkûr Kara Yorgi hâlik olup meblağ-ı mezbûr irsen bana isâbet etmişdi el-hâletü hâzihî meblağ-ı [mezbûr] yüz guruşu mezbûr Manol Reis yedinden tamâmen alıp kabz eyledim meblağ-ı mezbûrdan mezkûr Manol Reis yedinden bir akçe ve bir habbe kalmamışdır dedikde gıbbe’t-tasdîki’ş-şer‘î kazgancı tâifesinden Moskona v. Doğdu nâm zimmî meclis-i şer‘de mezkûr Manol Reis muvâcehesinde takrîr-i kelâm edip mezkûr Yorzan’dan [gayrı] hâlik-i mezbûrun vârisi zuhûr edip mezkûrûn makbûzu olan meblağ-ı mezbûr yüz guruşu mezkûr Manol Reis’den ahz u kabz ederse ben meblağ-ı mezbûru zâmin ve kefîl olmak üzre kefîl oldum dedikde mâ vaka‘a bi’t-taleb ketb olundu. Fi’l-yevmi’r-râbi‘ aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Hüseyin Çelebi b. ( ), el-Hâc İbrahim b. ( ), Hamza Çelebi b. ( ), Mehmed b. İdris.