İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 95 Hüküm no: 55 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gedik hisselerinin müzayede ile satılarak bedelinin varislere taksimi Asıl defteri Beledî kassâmından târîhi Fî 23 Safer sene 1246 Bâlâda muharrer iki bâb dükkânlar derûnlarında mevcûde beyne’l-esnâf gedik ta‘bîr olunur âlât-ı lâzıme-i ma‘lûmelerin altışar buçuk sehmden on üç sehm hisse-i şâyi‘ası cem‘an dört yüz guruşa tahmîn ve takvîm olunmuş ise de bu def‘a hisse-i mezkûreler lede’l-müzâyede üç yüz elli guruşa bâ-hüccet âhara bey‘ olunmağla semenleri olan meblağ-ı mezkûr ba‘de’l-kabz verese-i mersûmûn beynlerinde alâ-tarîkı’l-münâsahati’ş-şer‘iye tevzî‘ ve taksîm olunduğu keyfiyetidir ki zikr ve terkīm olundu. Fi’l-yevmi’l-hâmis min-Zilka‘deti’ş-şerîfe sene 1246 Hissetü’l-ibni’l-mersûm Todori 119 guruş, 36 para Hissetü’l-binti’l-mersûme Magdalini Nasrâniye 59 guruş, 38 para Hissetü’z-zevceti’l-mersûme Kaliçe Nasrâniye 14 guruş, 23 para Hissetü’l-binti’l-mersûme Katrine Nasrâniye 20 guruş, 16 para, 1 akçe Hissetü’l-ibni’s-sagīri’l-mersûm Tanaş 40 guruş, 32 para, 2 akçe Hissetü’l-ibni’s-sagīri’l-mersûm Kostandi 40 guruş, 32 para, 2 akçe Hissetü’z-zevci’l-mersûm Yorgi 14 guruş, 23 para Hissetü’s-sagīreti’l-binti’l-mersûme Eleniko 19 guruş, 17 para, 2 akçe Hissetü’l-binti’s-sagīreti’l-mersûme Kadinko 19 guruş, 17 para, 2 akçe Vekîl-i mersûm Ananosti zimmî sıgār-ı mersûmûnun ve müvekkilleri kibâr-ı mesfûrûnun hisse-i irsiye-i merkūmelerini ben bi’l-vekâle tamâmen ahz u kabz eyledim deyü eylediği ikrâr ve i‘tirâfı işbu mahalle şerh verildi bâ-mühr-i hazret-i efendi.