Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 412 Hüküm no: 483 Orijinal metin no: [78b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Musa b. Ebûbekir’in ehl-i örf Hacı Ali b. Abdullah’ın kendisinden haksız yere aldığı para konusunda sulh oldukları Vilâyet-i Anadolu’da medîne-i Kayseriye mahallâtından el-Hâc Abdullah mahallesi sükkânından olup hâlâ mahmiye-i İstanbul’da Mustafa Paşa mahallesinde müsâfiren sâkin olan Molla Musa b. Ebûbekir nâm kimesne meclis-i şer‘-i şerîf-i enverde sâbıkan medîne-i mezbûrede vâli olan vezîr-i mükerrem müşîr-i müfahham sa‘âdetlü Ali Paşa hazretlerinin raht Dîvân ağası olan bâ‘isü hâze’l-kitâb el-Hâc Ali b. Abdullah mahzarında bi tav‘ihî ikrâr-ı tâm ve takrîr-i kelâm edip hâl-i hükûmetlerinde bi gayri hakkın mezbûr el-Hâc Ali on iki esedî guruşumu ahz u kabz etmeğin meblağ-ı mezbûru taleb ve da‘vâ eylediğimde beynimizde münâza‘ât-ı kesîre vâki‘ olmuşdu el-hâletü hâzihî muslihûn tavassut edip üç guruş bir rub‘a mezbûr el-Hâc Ali benimle müsâlaha olup ben dahi ber vech-i muharrer sulh-i mezbûru kabûl ve bedel-i sulh olan meblağ-ı mezbûru yedinden tamâmen ahz u kabz edip meblağ-ı bâkīye müte‘allika da‘vâdan mezbûr el-Hâc Ali’nin zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-hâmis aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Ahmed Efendi b. Mustafa, Sâlih Bey b. Mustafa, Yusuf b. Hasan.