İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 147 Hüküm no: 114 Orijinal metin no: [22a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuyumcu Nişan’ın gedik hisselerini rehin bırakarak borç aldığı İdâne-i rehn-i kuyumcu Âsitâne-i aliyye’de vâki‘ kuyumcu tâifesinden Nişan v. Avakim nâm zimmî meclis-i şer‘-i hatîrde işbu bâ‘isetü’s-sifr <> mu‘arrefetü’ş-şahs Elim bt. Agop nâm Nasrâniye muvâcehesinde ikrâr-ı tâm ve takrîr-i kelâm edip işbu târîh-i vesîka günü mersûme Elim Nasrâniyenin mâlından ve yedinden istidâne ve kabz ve umûruma sarfla istihlâk eylediğim yedi yüz guruş mersûme Elim Nasrâniyeye zimmetimde sahîhan deynim olup deyn-i mezkûrum mukābelesinde yedimde mülküm olup İstanbul’da Mercan sûku nezdinde kâin Na‘lbur Han’ı denmekle meşhûr bir bâb hanın hîn-i duhûlünde cânib-i yesârda Kalıpçı Sahtel zimmî odaları beyninde vâki‘ bir bâb kuyumcu odası derûnunda mevcûde beyne’l-esnâf gedik ta‘bîr olunur âlât-ı lâzıme-i ma‘lûmemi rehin vaz‘ ve mersûme Elim Nasrâniyeye teslîm eylediğimde ol dahi ber-minvâl-i muharrer irtihân ve tesellüm ve kabz ve kabûl eyledikden sonra âlât-ı gedik-i mezkûru li-ecli’l-isti‘mâl bana i‘âre ve teslîm ve ben dahi isti‘âre ve tesellüm etmemle yedimde mahfûzdur dedikde gıbbe[‘t-tasdîki’ş-şer‘î mâ vaka‘a bi’t-taleb ketb olundu] Fî 16 Z sene 1246 Şuhûdü’l-hâl: Hafız İsmail Ağa, Molla Halil b. Süleyman ve gayruhum. Sahtel v. Ohan, Harbeci Artin, Harbeci Bedros, Kuyumcu Hamparsum.