İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 161 Hüküm no: 132 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanako v. Hıristo’nun uhdesindeki yarım gedik hissesini Kostandi v. Hıristo’ya sattığı Fıçıcı gediği Asl-ı hüccet târîhi Fî 3 Ra sene 1246 İşbu sebt-i hâmiş olunan hüccetde ismi mastûr Yanako v. diğer Hıristo nâm zimmî meclis-i şer‘-i hatîrde işbu hâmilü’s-sifr kezâlik hüccetde mastûrü’l-ism Kostandi v. Hıristo nâm zimmî muvâcehesinde ikrâr-ı tâm ve takrîr-i kelâm edip ber-mantûk-ı hüccet gedik-i mezkûrdan ben ber-minvâl-i muharrer mâlik olduğum nısf hissemi tarafeynden bi’l-îcâb ve’l-kabûl bâtten ve sahîhan mersûm Kostandi zimmîye beş bin beş yüz guruşa bi-safkatin vâhidetin bey‘ ü temlîk ve vech-i lâyıkı üzere teslîm eylediğimde ol dahi ber-minvâl-i muharrer iştirâ ve temellük ve tesellüm ve kabz ve kabûl edip semen-i mezkûr beş bin beş yüz guruşu bana tamâmen def‘ ü teslîm ve ben dahi yedinden bi’t-tamâm ve’l-kemâl ahz u kabz etmemle mebî‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini <> kabûlü hâvî ibrâ ve iskāt eyledik ba‘de’l-yevm hisse-i mezkûrede benim aslâ ve kat‘â alâka ve medhalim kalmayıp müşteri-i mersûm Kostandi zimmînin mülk-i müşterâsı ve hakk-ı sırfı olmuşdur dedikde gıbbe[‘t-tasdîki’ş-şer‘î mâ vaka‘a bi’t-taleb ketb olundu] Fî 29 Z sene 1246 Şuhûdü’l-hâl: Muhzırlar Kethüdâsı İsmail Ağa, Odacı Hüseyin Çelebi ve gayruhum. Yanko v. Danil, Yarenimyo v. İstati.