İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 178 Hüküm no: 149 Orijinal metin no: [29a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zoli Nasraniyenin kendisinin ve vasisi olduğu oğlu Vito’nun işlerini yürütmek üzere Kaymakçı Vasil’i vekil tayin ettiği Kaymakçı vekâlet Âsitâne-i aliyye’de vâki‘ kaymakçı esnâfından olup bundan akdem hâlik olan Hıristo v. Nikola nâm zimmînin sulbî sagīr oğlu Vito’nun anası ve sagīr-i merkūma babası hâlik-i mesfûrdan mevrûs emvâlini ahz u kabz ve hıfza ve vakt-i rüşd ve sedâdına değin umûrunu rü’yete kıbel-i şer‘den vasî nasb u ta‘yîn olunup şahsı zeyl-i rakīmde muharrerü’l-esâmî kimesneler ta‘rîfleriyle mu‘arrefe olan Zoli bt. Yani nâm Nasrâniye meclis-i şer‘-i hatîrde sagīr-i merkūmun li-ebeveyn ammi işbu bâ‘isü’s-sifr Kaymakçı Vasil nâm zimmî muvâcehesinde bi’l-vesâye ikrâr-ı tâm ve takrîr-i kelâm edip ben Vilâyet-i Rumeli’nde vatan-ı asliyyem olan Göllükesri kazâsına gitmeyi murâd etmemle benim ve vasîsi olduğum sagīr-i mersûmun Âsitâne-i seniyye’de vâki‘ bi’l-cümle umûrumuzu idâre ve rü’yete tarafımdan mersûm Vasil <> zimmîyi vekâlet-i sahîha-i şer‘iyye ile bi’l-asâle ve bi’l-vesâye vekîl ve nâib-i menâb nasb u ta‘yîn eylediğimde ol dahi ber-minvâl-i meşrûh vekâlet-i mezkûreyi kabûl ve hizmet-i lâzımesini kemâ-hüve hakkuhû idâre ve rü’yete ta‘ahhüd ve iltizâm etmeğin [mâ-vaka‘a bi’t-taleb ketb olundu] Fî 5 M sene 1247 Şuhûdü’l-hâl: Kethüdâ-i kaymakçıyân İsmail Ağa, Yiğitbaşı Beşir Ağa, Ali Ağa b. Yusuf, Hüseyin Ağa b. Yusuf ve gayruhum. Hıristo v. Dimo, Manol v. Tariko, Tariko v. Koço, Hıristo v. [Yoro]