İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 179 Hüküm no: 150 Orijinal metin no: [29a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zoli Nasraniyenin vefat eden kocası Hıristo’ya ait kaymakçı dükkân gediğinin kendisi ve oğlu Vito’ya intikal ettiğini tescil ettirdiği Balat’ta kaymakçı ihbârı Asıl hüccet târîhi fî 21 L sene 1235 Bâb’dan İşbu sebt-i hâmiş olunan hüccetde bir bâb kaymakçı kârhânesi derûnunda mevcûde beyne’l-esnâf gedik ta‘bîr olunur âlât-ı lâzıme-i ma‘lûme ve eşyâ-i mütenevvi‘anın yüz yirmi sehm i‘tibârıyla altmış sehmine ber-mantûk-ı hüccet-i mezkûre mâlik olan derûn-ı hüccetde ismi merkūm Hıristo v. Nikola zimmî bundan akdem hâlik olup ol vechile hisse-i mezkûrenin semeni olan yedi buçuk hissesi zevce-i metrûkesi işbu hâzıratü bi’l-meclis Zoli bt. Yani Nasrâniye ve bâkī elli iki buçuk sehmi zevce-i mersûmeden mütevellid sulbî sagīr oğlu Vito’ya hasran mevrûs olduğu esnâf-ı mezkûreden zeyl-i hâmişde isimleri muharrer Müslim ve re‘âyâ haberleriyle zâhir ve nümâyân olmağın hıfzan li’l-makāl işbu vesîka-i enîka bi’l-ibtigā ketb ü imlâ olundu. Fî 5 M. Muharrem sene 1247 Şuhûdü’l-hâl: Kethüdâ-i kaymakçıyân İsmail, Yiğitbaşı Bekir, Ali Beşe. Hıristo v. Dimo, Manol v. Tariko, Tariko v. Koço, Hıristo v. Yoro, Dimitri v. Esteryo.