Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 423 Hüküm no: 497 Orijinal metin no: [80b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Ahmed’in İbrahim Çelebi b. Sâdık’a borcu olması Mahmiye-i İstanbul’da Lütfi Paşa mahallesi ahâlîsinden olup bundan akdem mahrûse-i Edirne’de ticâret üzre sâkin iken medyûnen vefât eden Bâzirgân Nasuh demekle ma‘rûf sarrâc Mehmed Çelebi b. Ahmed nâm müteveffânın dâyinlerinden mahmiye-i mezbûrede Debbâğzâde mahallesinde sâkin İbrahim Çelebi b. Sâdık meclis-i şer‘-i şerîfde müteveffâ-yı mezbûrun vasiyy-i muhtârı olmağla terekesine vâzı‘ü’l-yed olan Ali Çelebi b. Hasan mahzarında üzerine da‘vâ ve takrîr-i kelâm edip müteveffâ-yı mezbûr sarrâc Mehmed Çelebi zimmetinde deynimdir dedikde gıbbe’t-tasdîk [mâ vaka‘a bi’t-taleb ketb olundu]. Şuhûdü’l-hâl: ( ).