Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 423 Hüküm no: 498 Orijinal metin no: [80b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Ahmed’in Halil Çelebi b. Mustafa’ya borcu olması Mahmiye-i İstanbul’da Lütfi Paşa mahallesi sükkânından olup medîne-i Edirne’de ticâret vechi üzre sâkin iken bundan akdem vefât eden Bâzirgân Nasuh demekle ma‘rûf sarrâc Mehmed Çelebi b. Ahmed nâm müteveffânın dâyinlerinden olup mahmiye-i mezbûrede Deniz Abdal mahallesinde sâkin işbu bâ‘isü’l-kitâb Halil Çelebi b. Mustafa nâm kimesne meclis-i şer‘-i şerîf-i enverde müteveffâ-yı mezbûrun vasiyy-i muhtârı olduğu mütehakkik olmağla terekesine vâzı‘ü’l-yed olan Ali Çelebi b. Hüseyin mahzarında üzerine da‘vâ ve takrîr-i kelâm edip müteveffâ-yı merkūm Mehmed Çelebi zimmetinde hayâtında yedimden müşterâ ve makbûz saraç metâ‘ı bahâsından kırk guruş hakkım olup hattâ mezbûr Mehmed Çelebi’ye vech-i muharrer bana lâzımü’l-edâ ol mikdâr deyni olduğunu alâ isre’l-istişhâd ikrâr ve i‘tirâf dahi eylediğinden sonra mezbûr Mehmed Çelebi bana kable’l-edâ zimmetinde iken fevt olup terekesine mezbûr Ali Çelebi bi’l-vesâye vâzı‘ü’l-yed olmağın ve ol bâbda ( ). Şuhûdü’l-hâl : ( ).