Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 427 Hüküm no: 504 Orijinal metin no: [81b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Abdullah’ın Mehmed b. Ali’den muhâlaa yoluyla boşandığı Mahmiye-i İstanbul’da Kırkçeşme kurbunda Sunullah Efendi mahallesinde sâkin olup zâtını ma‘rifet-i şer‘iyye ile ârifân olan el-Hâc Ömer b. Cafer ve Ahmed b. Ali nâm kimesneler ta‘rîfleriyle mu‘arrefe olan Fâtıma bt. Abdullah nâm hâtun meclis-i şer‘-i şerîf-i enverde zevc-i dâhili bâ‘isü hâze’l-kitâb Mehmed b. Ali nâm kimesne mahzarında üzerine da‘vâ ve takrîr-i kelâm edip mezbûr Mehmed ile beynimizde hüsn-i zindegânîmiz olma[ma]ğla zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i ma‘[lûme]m üzerlerine ve me’ûnet-i süknâm dahi kendi üzerime olmak ve bundan akdem mezbûr Mehmed yedine def‘ ve teslîm eylediğim on iki guruş dahi bedel-i hul‘ olmak üzre mezbûr Mehmed ile muhâla‘a-i sahîha-i şer‘iyye ile muhâla‘a edip ol dahi ber vech-i muharrer hul‘-ı mezbûru ba‘de’l-kabûl hukūk-ı zevciyyete müte‘allika âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Ali b. Bâli, na‘lcı Süleyman Beşe, Ahmed b. ( ), Ahmed b. Mehmed, el-Hâ[c] Cafer b. Ömer.