İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 328 Hüküm no: 306 Orijinal metin no: [59b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taşçıoğlu Yani’nin bogasici dükkân gediğini Vasil’e sattığı Asıl hüccet târîhi fî 26 S sene 1243 Bâb’dan Boğasıcı İşbu sebt-i hâmiş olunan hüccetde ismi mastûr Taşçıoğlu Yani v. Panayot nâm zimmî meclis-i şer‘-i hatîrde işbu hâmilü’r-rakīm Taşçı Vasil v. Sefer nâm zimmî muvâcehesinde ikrâr-ı tâm ve takrîr-i kelâm edip Dârüssa‘âdeti’ş-şerîfe ağası nezâretinde âsûde evkāfdan Arabacıbaşı merhûm Şücaeddin Bey Vakfı musakkafâtından bir bâb bogasici dükkânı derûnunda mevcûde beyne’l-hıref gedik ta‘bîr olunur âlât-ı lâzıme-i ma‘lûme akd-i âti’z-zikrin sudûruna değin ber-mantûk-ı hüccet yedimde mâlım ve mülküm olmağla ben ber-minvâl-i muharrer mâlik olduğum gedik-i mezkûru tarafeynden îcâb ve kabûlü hâvî şürût-ı müfside ve muvâza‘adan ârî bey‘-i bâtt-ı sahîh-i şer‘î ve safka-i vâhide ile mersûm Vasil zimmîye sekiz bin guruşa bey‘ ü temlîk ve teslîm eylediğimde ol dahi ber-minvâl-i muharrer iştirâ ve temellük ve tesellüm ve kabz ve kabûl edip semen-i mezkûr sekiz bin guruşu bana tamâmen def‘ ü teslîm ve ben dahi yedinden ahz u kabz etmemle mebî‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ-i âmm-ı sahîh-i şer‘î ile ibrâ ve iskāt eyledik ba‘de’l-yevm gedik-i mezkûrda benim aslâ ve kat‘â alâka ve medhalim kalmayıp müşteri-i mersûm Vasil zimmînin mülk-i müşterâsı ve hakk-ı sırfı olmuşdur dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu] Fî 17 Ca sene 1247 Şuhûdü’l-hâl: Kethüdâ-i muhzırân İsmail Ağa, Odacı Hüseyin Çelebi, Kethüdâ es-Seyyid Hafız Mehmed Ağa, Mustafa Efendi b. Mehmed, Yiğitbaşı es-Seyyid Ahmed Ağa.