İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 329 Hüküm no: 307 Orijinal metin no: [59b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Panayot ile Anna Nasraniyenin bakkal gediği hisselerini Bakkal Yuvan’a sattıkları Bakkāl Âsitâne-i aliyye’de vâki‘ bakkāl tâifesinden Panayot v. Kostandi nâm zimmî Anna bt. Vasil nâm Nasrâniyenin zevci ve tarafından husûs-ı âtîde tasdîka vekîl-i sâbitü’l-vekâlesi Bakkāl Lazari v. Angeli nâm zimmî hâzır olduğu hâlde meclis-i şer‘-i münîrde işbu bâ‘isü’s-sifr Bakkāl Yuvan v. Seyofan? nâm zimmî muvâcehesinde ikrâr-ı tâm ve takrîr-i kelâm edip İstanbul’da Samatya kurbünde Hacce Kadın mahallesinde leblebici köşesinde vâki‘ Kalıpçı dükkânı denmekle şehîr bir bâb bakkāl dükkânı derûnunda mevcûde beyne’l-esnâf gedik ta‘bîr olunur âlât-ı lâzıme-i ma‘lûmenin yüz yirmi sehm i‘tibârıyla altmış sehmi mersûm Yuvan zimmînin ve otuz sehmi benim ve otuz sehmi dahi müvekkile-i mesfûre Anna Nasrâniyenin [60a] yedimizde mülkümüz olmağla gedik-i mezkûrdan akd-i âti’z-zikrin sudûruna değin ber-minvâl-i muharrer ben ve müvekkile-i mesfûreden her birimiz hisse-i mezkûrelerimizi tarafeynden îcâb ve kabûlü hâvî şürût-ı müfside ve muvâza‘adan ârî bey‘-i bâtt-ı sahîh-i şer‘î ve safka-i vâhide ile mersûm Yuvan zimmîye beşer yüz guruşdan bin guruşa bey‘ ü temlîk <> ve vech-i lâyıkı üzere teslîm eylediğimizde ol dahi ber-minvâl-i muharrer iştirâ ve temellük ve tesellüm ve kabz ve kabûl eylediğinden sonra her birimiz semen-i mezkûrları müşteri-i mersûm yedinden bi’t-tamâm ve’l-kemâl ahz u kabz edip mebî‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ-i âmm-ı sahîh-i şer‘î ile ibrâ ve iskāt eyledik fîmâ-ba‘d gedik-i mezkûrda olan hisselerimizde benim ve müvekkile-i mesfûrenin aslâ ve kat‘â alâka ve medhalimiz kalmayıp mecmû‘-ı gedik-i mezbûr mersûm Yuvan zimmînin mülk-i mahzı ve hakk-ı sırfı olmuşdur dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu] Fî 10 Ca sene 1247 Şuhûdü’l-hâl: Pazarbaşı Süleyman Ağa, Bölükbaşı Abdi Çelebi. Ustabaşı Ananosti, Ustabaşı Kiryako, Yuvan v. İstirati, Kabzımâl Sava