İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 356 Hüküm no: 334 Orijinal metin no: [64b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul Pirinççi Esnafı Kethüdası Boşnak Mehmed Ağa’nın istifası üzerine Pirinççi Ömer Ağa’nın tayin edildiği Kethüdâ nasbı Âsitâne-i aliyye’de vâki‘ pirinççi esnâfının kethüdâları olan Boşnak Mehmed Ağa nâ-mizâc ve bî-tâb olduğundan kethüdâlık-ı mezkûrdan isti‘fâ ve keff-i yed eylediğine binâen esnâf-ı merkūmenin mu‘temed ve muhtârları idiği esnâf-ı mezkûreden zeyl-i vesîkada muharrerü’l-esâmî Müslimînin ihbâr ve iltimâsları ve hâlâ muhtesib-i İstanbul sa‘âdetlü Mehmed Emin Faik Efendi’nin re’yi munzam idiği tarafından mürsel çukadârı Mustafa Ağa’nın inhâsıyla zâhir olan esnâf-ı mezkûreden işbu bâ‘isü’l-kitâb Asmaaltı nâm mahâlde sâkin el-Hâc Ömer Ağa b. Mehmed’i hâkim-i hâsim vâlâ cenâb veffakallâhu te‘âlâ bi’s-sıdk ve’s-savâb efendi hazretleri esnâf-ı mezkûre üzerine kethüdâ nasb u ta‘yîn ve esnâf-ı mezkûreden bir ferde hilâf-ı şer‘-i şerîf ve mugāyir-i kānûn-ı münîf rencîde ve ta‘addî etmemeğe emr ü tenbîh buyurduklarında ol dahi kabûl ve ber-mûceb-i emr ü tenbîh amel ve harekete ta‘ahhüd etmeğin mâ-vaka‘a [bi’l-ibtigā sebt ü imlâ olundu] Fî 7 Receb sene 1247 Şuhûdü’l-hâl: Hafız İsmail Ağa, es-Seyyid Mehmed Geylânî Ağa, Beşirli İbrahim, İsmail Kapudan, es-Seyyid Ahmed Raşid Ağa.