İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 370 Hüküm no: 353 Orijinal metin no: [67b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Balık iplikçisi esnafı kethüdalığına Hasan Ağa’nın tayin edildiği Kethüdâ nasbı Âsitâne-i seniyye’de vâki‘ balık iplikçisi esnâfının kethüdâları olan Hafız Ahmed Ağa b. el-Hâc Mustafa bundan akdem fevt olduğuna binâen esnâf-ı merkūmenin mu‘temed ve muhtârları idiği esnâf-ı mezkûreden zeyl-i vesîkada muharrerü’l-esâmî Müslimînin ihbâr ve iltimâsları ve hâlâ muhtesib-i İstanbul sa‘âdetlü Mehmed Emin Faik Efendi’nin re’yi munzam idiği tarafından mürsel çukadârı ( ) Ağa’nın inhâsıyla zâhir olan esnâf-ı merkūmeden işbu bâ‘isü’l-kitâb el-Hâc Hasan Ağa b. Yakub nâm kimesneyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri esnâf-ı merkūme üzerine kethüdâ nasb u ta‘yîn ve esnâf-ı merkūmeden bir ferde hilâf-ı şer‘-i şerîf ve mugāyir-i kānûn-ı münîf rencîde ve ta‘addî etmemeğe emr ü tenbîh buyurduklarında ol dahi kabûl ve ber-mûceb-i emr ü tenbîh amel ve harekete ta‘ahhüd etmeğin mâ-hüve’l-vâki‘ bi’l-ibtigā sebt ü imlâ olundu. Fî 29 Şa‘bân sene 1247 Şuhûdü’l-hâl: Mahmud Usta b. Ahmed, Salih Usta b. Mehmed, Mehmed Usta b. Ömer, Mehmed Usta b. Ali, Hamza Usta b. Mustafa ve gayruhum.