İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 394 Hüküm no: 382 Orijinal metin no: [71b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul imameci esnafının kethüdası Hüseyin Ağa’nın görevini bırakması üzerine Süleyman Ağa’nın tayin edildiği Kethüdâ nasbı Âsitâne-i seniyye’de vâki‘ imâmeci esnâfının kethüdâları olan el-Hâc Hüseyin Ağa b. Mehmed kethüdâlık-ı mezkûrdan bu def‘a bi’t-terâzî keff-i yed eylediğine binâen esnâf-ı merkūmenin mu‘temed ve muhtârları <> idiği esnâf-ı mezkûreden zeyl-i vesîkada mektûbü’l-esâmî Müslimînin ihbâr ve iltimâsları ve hâlâ muhtesib-i İstanbul sa‘âdetlü Mehmed Emin Faik Efendi’nin re’yi munzam idiği tarafından mürsel çukadârı Süleyman Ağa’nın inhâsıyla zâhir olan esnâf-ı merkūmeden işbu bâ‘isü’l-kitâb el-Hâc Süleyman Ağa b. Hüseyin nâm kimesneyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri esnâf-ı merkūme üzerine kethüdâ nasb u ta‘yîn ve esnâf-ı merkūmeden bir ferde hilâf-ı şer‘-i şerîf ve mugāyir-i kānûn-ı münîf rencîde ve ta‘addî etmemeğe emr ü tenbîh buyurduklarında ol dahi kabûl ve ber-mûceb-i emr ü tenbîh amel ve harekete ta‘ahhüd etmeğin mâ-hüve’l-vâki‘ bi’l-ibtigā semt ü imlâ olundu. Fî 10 L sene 1247 Şuhûdü’l-hâl: İmâmeci Ahmed Ağa, İmâmeci Ârif Ağa, Çıkrıkçı Mustafa Ağa, Parmakçı? Salih Ağa, Sadefci el-Hâc Mustafa Ağa.