İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 407 Hüküm no: 399 Orijinal metin no: [74b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden destgâhçı esnafının kethüdası Ali Ağa’nın yerine diğer Ali Ağa’nın tayin edildiği Kethüdâ nasbı Âsitâne-i aliyye’de vâki‘ destgâhcı esnâfının kethüdâları olan Ali Ağa bundan akdem vefât etmekle esnâf-ı merkūmenin mu‘temed ve muhtârları idiği esnâf-ı mezkûreden zeyl-i vesîkada muharrerü’l-esâmî Müslimînin ihbâr ve iltimâsları ve hâlâ muhtesib-i İstanbul sa‘âdetlü Mehmed Emin Faik Efendi’nin re’yi munzam idiği tarafından mürsel çukadârı Ömer Ağa’nın inhâsıyla zâhir olan esnâf-ı merkūmeden işbu bâ‘isü’l-kitâb diğer Ali Ağa b. Ali nâm kimesneyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri esnâf-ı merkūme üzerine kethüdâ nasb u ta‘yîn ve esnâf-ı merkūmeden bir ferde hilâf-ı şer‘-i şerîf ve mugāyir-i kānûn-ı münîf rencîde ve remîde etmemeğe emr ü tenbîh buyurduklarında ol dahi kabûl ve ber-mûceb-i emr ü tenbîh amel ve harekete ta‘ahhüd etmeğin mâ-vaka‘a [bi’t-taleb ketb olundu] Fî-gurreti Za sene 1247 Şuhûdü’l-hâl: Hasan Ağa b. Mehmed, Halil Ağa b. Mustafa, Ahmed Ağa b. Hüseyin, Mehmed Ağa b. Ahmed.