İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 422 Hüküm no: 417 Orijinal metin no: [77b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Serkiz’in tütüncü dükkânı gediğini Halil Ağa’ya sattığı Tütüncü Sultan Bayezid’de Asıl hüccet târîhi fî 16 Za sene 1247 İşbu sebt-i hâmiş olunan hüccetde ismi mastûr Sarrâf Serkiz nâm zimmî meclis-i şer‘-i hatîrde Halil Ağa b. Abdullah nâm mu‘tak mahzarında bi-tav‘i’s-sâf ikrâr-ı tâm ve takrîr-i kelâm edip ben çend rûz mukaddem ber-mantûk-ı hüccet bi-tarîkı’ş-şirâ akd-i âti’z-zikrin sudûruna değin yedimde mülküm olan âlât-ı gediği tarafeynden bi’l-îcâb ve’l-kabûl bâtten ve sahîhan merkūm Halil Ağa’ya iki bin altı yüz guruş semen-i medfû‘ ve makbûza bey‘ ü temlîk ve teslîm eylediğimde ol dahi ber-minvâl-i meşrûh iştirâ ve temellük ve tesellüm ve kabz ve kabûl etmekle mebî‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ-i <> âmm-ı sahîh-i şer‘î ile ibrâ ve iskāt eyledik fîmâ-ba‘d âlât-ı gedik-i mezkûrda benim aslâ ve kat‘â alâka ve medhalim kalmayıp merkūm Halil Ağa’nın mülk-i müşterâsı ve hakk-ı sırfı olmuşdur keyfe mâ yeşâ ve yahtâr mâlik ve mutasarrıf olsun dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu] Fî 21 Zilka‘de sene 1247 Şuhûdü’l-hâl: Eş-şâhidûnü’s-sâbikūn.