İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 424 Hüküm no: 421 Orijinal metin no: [77b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Galata fesçi esnafı kethüdası Süleyman Ağa’nın görevini bırakması üzerine yerine Mahmud Ağa’nın tayin edildiği Kethüdâ nasbı Mahrûse-i Galata’da vâki‘ fesçi esnâfının kethüdâları olan el-Hâc Süleyman Ağa kethüdâlık-ı mezkûrdan bu def‘a keff-i yed eylediğine binâen esnâf-ı merkūmenin mu‘temed ve muhtârları idiği esnâf-ı mezkûreden zeyl-i vesîkada muharrerü’l-esâmî Müslimînin ihbâr ve iltimâsları ve hâlâ muhtesib-i İstanbul sa‘âdetlü Mehmed Emin Faik Efendi’nin re’yi munzam idiği tarafından mürsel çukadârı Ahmed Ağa’nın inhâsıyla zâhir olan esnâf-ı merkūmeden işbu bâ‘isü’l-kitâb Mahmud Ağa b. Ramazan nâm kimesneyi hâkim-i hâsim vâlâ cenâb veffakallâhu te‘âlâ bi’s-sıdk ve’s-savâb efendi hazretleri esnâf-ı merkūme üzerine kethüdâ nasb u ta‘yîn ve esnâf-ı merkūmeden bir ferde hilâf-ı şer‘-i şerîf ve mugāyir-i kānûn-ı münîf rencîde ve ta‘addî etmemeğe emr ü tenbîh buyurduklarında ol dahi kabûl ve ber-mûceb-i emr ü tenbîh amel ve harekete ta‘ahhüd etmeğin mâ-hüve’l-vâki‘ [bi’l-ibtigā sebt ü imlâ olundu] Fî 2 Zilhicce sene 1247 Şuhûdü’l-hâl: el-Hâc İsmail Ferhad Ağa, el-Hâc Said Ağa, el-Hâc Yahya Ağa, Mehmed Zeyger?, Mehmed Said Ağa ve gayruhum.