Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 439 Hüküm no: 518 Orijinal metin no: [84b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mesud Efendi b. Mehmed’in Ayaszâde Ahmed Ağa’yı mahkemeye getirmeyi taahhüt etmesi Mahmiye-i İstanbul’da Ebûbekir Paşa mahallesi ahâlîsinden olup hâlâ fodla kâtib[i] olan Mesud Efendi b. Mehmed meclis-i şer‘-i şerîf-i enverde medîne-i hazret-i Ebâ Eyyûb el-Ensârî -radiye anhü’l-Bârî-de âsûde olan merhûm Zal Paşa vakfına mütevellî olan işbu bâ‘isü’l-kitâb Osman Ağa b. İbrahim mahzarında üzerine da‘vâ ve takrîr-i kelâm edip vakf-ı mezbûra sâbıkan mütevellî olan Ayaszâde Ahmed Ağa’nın vakf-ı mezbûra ber mûceb-i hüccet-i şer‘iyye ba‘de küllî hesâb iki yük yetmiş bin dokuz yüz yirmi dört akçe zimmetinde lâzımü’l-edâ deyni olup meblağ-ı mezbûru vakfa edâya iktidârı olmamağla meblağ-ı mezbûrdan altmış bin akçesini târih-i kitâbdan altmış gün tamâmına değin mütevellî-i mezbûr-ı vakf için edâya ta‘ahhüd etmeğin ben mezbûr Ahmed Ağa’nın nefsine kefîl oldum dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâlis aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: Es-Seyyid Abdülbâkī Efendi el-İmâm, Mehmed Ağa nâzır-ı vakf-ı mezbûr, Mehmed Çelebi b. Osman Ağa, Ahmed Çelebi b. ( ).