Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 440 Hüküm no: 519 Orijinal metin no: [84b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Murdehay v. Yakim’in Mehmed Çelebi b. Şaban’a borcu olması Mahmiye-i İstanbul’da Sucular mahallesi sâkinlerinden bâ‘isü hâze’l-kitâb Mehmed Çelebi b. Şaban nâm kimesne meclis-i şer‘-i şerîf-i enverde ve mahfil-i dîn-i münîf-i ezherde yahud tâifesinden Murdehay v. Yakim nâm yahudi muvâcehesinde üzerine da‘vâ ve takrîr-i kelâm edip mezbûr Murdehay zimmetinde cihet-i karz-ı şer‘îden hakkım olan altmış üç buçuk guruşun on beş guruşunu bundan akdem bana def‘ ve teslîm ben dahi yedinden ahz u kabz edip kırk sekiz buçuk guruşu zimmetinde bâkī kalmağla hâlâ suâl [85a] olunup meblağ-ı bâkī-i mezbûrun alıverilmesi matlûbumdur dedikde gıbbe’s-suâl mezbûr Murdehay cevâbında kaziyye minvâl-i muharrer üzre olup müdde‘î-i mezbûra cihet-i mezkûreden zimmetimde vâcibü’l-edâ ve lâzımü’l-kazâ kırk sekiz buçuk deynim vardır deyû bi tav‘ihî ikrâr etmeğin mûcebince meblağ-ı bâkī-i mezbûr kırk sekiz buçuk guruşu müdde‘î-i mezbûra edâya ve teslîme merkūm Murdehay’a tenbîh olunup mâ vaka‘a bi’t-taleb ketb olundu. Fi’l-yevmi’t-tâsi‘ aşer min Şa‘bâni’l-mu‘azzam li sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, Ebûbekir b. Mehmed, Mehmed b. İdris, Hüseyin b. Mehmed.