İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 446 Hüküm no: 445 Orijinal metin no: [82a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul ulayıcı esnafı kethüdalığına Mehmed Salih Ağa’nın tayin edildiği Kethüdâ nasbı Âsitâne-i aliyye’de vâki‘ ulayıcı esnâfının hâlâ kethüdâları olan es-Seyyid Hasan Ağa b. Mehmed kethüdâlık-ı mezkûrdan bu def‘a bi’t-terâzî keff-i yed eylediğine binâen esnâf-ı merkūmenin mu‘temed ve muhtârları idiği esnâf-ı mezkûreden zeyl-i vesîkada muharrerü’l-esâmî Müslimînin ihbâr ve iltimâsları ve hâlâ muhtesib-i İstanbul sa‘âdetlü Mehmed Emin Faik Efendi’nin re’yi munzam idiği tarafından mürsel çukadârı Hasan Ağa’nın inhâsıyla zâhir olan esnâf-ı merkūmeden işbu bâ‘isü’l-kitâb Mehmed Salih Ağa b. Veliyyüddin nâm kimesneyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri esnâf-ı merkūme üzerine kethüdâ nasb u ta‘yîn ve esnâf-ı merkūmeden bir ferde hilâf-ı şer‘-i şerîf ve mugāyir-i kānûn-ı münîf rencîde ve ta‘addî etmemeğe emr ü tenbîh buyurduklarında ol dahi kabûl ve ber-mûceb-i emr ü tenbîh amel ve harekete ta‘ahhüd etmeğin mâ-hüve’l-vâki‘ bi’l-ibtigā sebt ü imlâ olundu. Fî 25 Z sene 1247 Şuhûdü’l-hâl: Es-seyyid Tahir b. es-Seyyid Mahmud, es-Seyyid el-Hâc Ârif Ağa b. Mehmed, es-Seyyid el-Hâc Salih Ağa b. İbrahim, es-Seyyid Osman Ağa b. es-Seyyid Abdurrahman ve gayruhum.