İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 452 Hüküm no: 452 Orijinal metin no: [83b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın kayın pederi Ahmed Tayyib Efendi’ye verdiği borcu tahsil edip rehin aldığı menzil hissesini iade ettiği Kalenderhâne’de menzil fekki Asıl hüccet târîhi fî Receb sene 1241 Bâb’dan İşbu sebt-i hâmiş olunan hüccetde mezkûrü’l-ism Ahmed Ağa b. Mehmed Salih meclis-i şer‘-i münîrde kezâlik derûn-ı hüccetde ismi mezkûr kayın pederi es-Seyyid Ahmed Tayyib Efendi mahzarında ikrâr-ı tâm ve takrîr-i kelâm edip kayın pederim mûmâ-ileyh ber-mûceb-i hüccet tahdîd ve tavsîf olunan bir bâb mülk menzilden hissesi olan selâse-i irbâ‘ını ber-mantûk-ı hüccet bana bin iki yüz elli guruşa bi-tarîkı’l-vefâ bey‘ u teslîm etmişidi el-hâletü hâzihî bey‘-i mezkûr hakīkatde bey‘ olmayıp hükm-i rehnde olmağla kayın pederim mûmâ-ileyh makbûzu olup deyni olan meblağ-ı mezkûr bin iki yüz elli guruşu bana tamâmen def‘ ü teslîm ve ben dahi yedinden bi’t-tamâm ve’l-kemâl ahz u kabz edip hisse-i mezkûreyi rehniyetden ba‘de’l-fekk kendiye teslîm etmemle fîmâ-ba‘d hisse-i mezkûrede benim aslâ ve kat‘â alâka ve medhalim olmayıp ke’l-evvel mülk-i mahz ve hakk-ı sırflarıdır dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu] Fî 29 Z sene 1247 Şuhûdü’l-hâl: Hafız İbrahim Edhem Efendi, Ali Ağa b. el-Hâc Mehmed, Molla Hüseyin el-Muhzır ve gayruhum. İşbu Şevvâl-i şerîf’in yirmi beşinci günü târîhiyle bir kıt‘a boğçacı guremâ defteri sehven bâb-ı hüccet siciline kayd olunmuşdur tetebbu‘ olundukda gaflet olunmaya.