İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 64 Hüküm no: 6 Orijinal metin no: [4-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafize Hanım çocuğunu doğuruncaya kadar boşandığı kocası Hasan Bey’in her ay belirlenen miktarda nafaka ödemesi Şerife Hafize Hatun’un zevc-i mutallıkı Hasan Bey üzerine nafaka-i haml takdîr hükmü Ma‘rûz Sâhibe-i arzuhâl mu‘arrefetü’z-zât Şerife Hafize Hanım bt. es-Seyyid Mehmed meclis-i şer‘-i münîrde derûn-ı arzuhâlde ismi mezkûr Enderûn-ı Hümâyûn’dan muhrec zevc-i mutallıkı Hasan Bey ibnü’l-merhûm Ahmed Ağa mahzarında merkūm Hasan Bey bundan akdem zevciyet beynimizde kāime iken merkūmun firâşından hâsıl batnımda mütebeyyin haml-i zâhirim olmağla vaz‘-ı haml ile inkızâ-i iddetime değin kendi nafakam için mezbûr Hasan Bey üzerine kadr-ı ma‘rûf meblağ farz ve takdîr olunmak matlûbumdur dedikde ba‘de’t-tasdîkı’ş-şer‘î merkūme Şerife Hafize Hanım’ın vaz‘-ı haml ile iddeti münkaziye oluncaya değin kendi nafakası’çün merkūm Hasan Bey üzerine beher mâh yüz ellişer guruş farz ve takdîr ve meblağ-ı mefrûz-ı mezkûr beher şehr ellişer guruş kendi nafakasına harc ü sarfa ve lede’l-iktizâ istidâneye ve vakt-i zaferde merkūm Hasan Bey üzerine rücû‘a merkūme Şerife Hafize Hanım’a kıbel-i şer‘den izin verildiği İstanbul Mahkemesi’nden huzûr-ı âlîlerine i‘lâm olundu. El-emrü li-men-lehü’l-emr. Fî 12 Şa‘bân sene [12]57