İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 188 Hüküm no: 139 Orijinal metin no: [61-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerbetçi Yuvan ve Şerbetçi Efsini’nin birbirlerinde alacakları olduğu iddiasıyla açtıkları davadan karşılıklı olarak feragat ettikleri Ma‘rûz-ı dâ‘î Şifâhen sâdır olan fermân-ı âlîlerine imtisâlen şerbetçi tâifesinden Yuvan v. Yorgi nâm zimmî Pazartesi günü huzûr-ı hazret-i Fetvâ-penâhî’de ma‘kūd meclis-i şer‘-i hatîrde tâife-i mersûmeden Efsini v. Mihal nâm zimmî muvâcehesinde benim mesfûr Efsini zimmî zimmetinde bin iki yüz elli iki senesi şehr-i Rebî‘ülevvelinin on altıncı günü târihiyle müverrah Rumiyyü’l-ibâre işbu bir kıt‘a temessük mantûkunca cihet-i karzdan bin altı yüz yetmiş guruş ve beynimizde ma‘lûm eşyâ semeninden dahi üç bin üç yüz otuz guruş ki cem‘an beş bin guruş alacağım olmağla meblağ-ı mecmû‘-ı mezkûru mersûm Efsini zimmîden hâlâ taleb ederim deyü da‘vâ eylediğimde ol dahi cevâbında benim ber-vech-i muharrer meblağ-ı mecmû‘-ı mezkûr beş bin guruş müdde‘âmı inkâr eylediğinden mâ‘adâ yedinde olup Ahîçelebi Mahkemesi’nden i‘tâ olunan işbu bir kıt‘a i‘lâm-ı şer‘î nâtık olduğu üzere senin zimmetinde mahkûmün-bih üç bin guruş alacağım <> vardır deyü da‘vâya tasaddî ve ol-vechile beynimizde münâza‘ât-ı kesîre vukū‘ından sonra tavassut-ı muslihîn ile beynimiz tesviye ve tanzîm olunup her birimiz âhardan tasaddî eylediğimiz da‘vâlarımızdan meccânen fâriğler olup bi’l-cümle zikr olunan husûsda ve işbu târih-i i‘lâma gelince sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri İstanbul Mahkemesi’nden huzûr-ı âlîlerine i‘lâm olundu. El-emrü li-men-lehü’l-emr. Fi’l-yevmi’s-sâlis aşer min-Cumâdelûlâ li-sene seb‘a ve hamsîn ve mi’eteyn ve elf. Beyazdır Beyazdır