İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 194 Hüküm no: 146 Orijinal metin no: [63-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bezistanî Mehmed Şerif Ağa’nın, Canbaz Osman Ağa’da olan alacağını ödemeye iktidarı oluncaya kadar tehir ettiği Ma‘rûz Bâ‘is-i i‘lâm Bezistânî Mehmed Şerif Ağa b. el-Hâc Hüseyin meclis-i şer‘-i münîrde Canbaz el-Hâc Osman Ağa b. Ömer muvâcehesinde yedimde olup işbu sene-i mübâreke Rebî‘ülâhirinin on sekizinci günü târihiyle müverrah bir kıt‘a tahvîl mantûkunca mezbûr el-Hâc Osman Ağa zimmetinde beynimizde ma‘lûm bir kıt‘a Mushaf-ı şerîf semeninden iki bin guruş alacağım olup meblağ-ı mezkûrun dört yüz guruşu mezbûr el-Hâc Osman Ağa’nın mâlından ve yedinden iştirâ ve kabz eylediğim bir kılıç semeni olan dört yüz guruşa takasan istifâ etmemle bâkī kalan bin altı yüz guruşu mezbûr el-Hâc Osman Ağa’nın hâlen ve def‘aten bana edâya iktidârı olmamağla ber-vech-i âtî istimhâl eylediğinde ben dahi meblağ-ı mezkûru merkūm el-Hâc Osman Ağa’nın si‘a-i hâli husûlüne tevkīf eyledim deyü ikrâr ve tasdîkleri İstanbul Mahkemesi’nden huzûr-ı [âlîlerine i‘lâm olundu] Fî 27 min-Za sene 1257