İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 197 Hüküm no: 149 Orijinal metin no: [64-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İranlı Abdullah’a borcu olan Şerbethaneci Celova’nın borcunu ödemesi 1500 [guru]ş hükm [Ma‘rûz] Arzuhâl eden İranî el-Hâc Abdullah b. el-Hâc Mehmed nâm kimesne meclis-i şer‘-i münîrde sefâretleri çukadârı Zeynelabidin Ağa hâzır olduğu hâlde derûn-ı arzuhâlde ismi mastûr Şerbethâneci Celova v. Bogos zimmî muvâcehesinde mersûm Celova zimmî zimmetinde bundan akdem mâlımdan ve yedimden iştirâ ve kabz eylediği beynimizde ma‘lûm Acem şalı semeninden bâkī bin beş yüz guruş alacak hakkım olmağla meblağ-ı mezkûr bin beş yüz guruşu mersûm Celova zimmîden hâlâ taleb ederim deyü ba‘de’d-da‘vâ ve’l-ikrâr alâ-mûcibi ikrârihî meblağ-ı bâkī-i mezkûr bin beş yüz guruşun müdde‘î-i merkūm el-Hâc Abdullah’a edâsıyla mesfûr Celova zimmî ilzâm olunduğu <> İstanbul Mahkemesi’nden huzûr-ı [âlîlerine i‘lâm olundu] Fî 29 min-Za sene [12]57