İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 197 Hüküm no: 150 Orijinal metin no: [64-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yazmacı Sahak’ın, Varteres’te olan alacağının ödenmesi için altı ay mühlet verdiği
1000 [guru]ş imhâl
Ma‘rûz-ı dâ‘î-i Devlet-i [aliyyeleridir ki]
Bâ‘is-i i‘lâm Yazmacı Sahak v. Abraham nâm zimmî meclis-i şer‘-i hatîrde Varteres v. Matat nâm zimmî muvâcehesinde mersûm Varteres zimmî zimmetinde cihet-i karz-ı şer‘îden bin guruş alacağım olup lâkin meblağ-ı mezkûru mersûm Va[r]teres zimmînin hâlen ve def‘aten bana edâya bir vechile iktidârı olmamağla ber-vech-i âtî istimhâl eylediğinde ben dahi meblağ-ı mezkûr bin guruşu işbu târih-i i‘lâmdan altı ay mürûrunda bana tamamen edâ ve teslîm etmek üzere rızâmla mersûm Varteres zimmîyi imhâl ve tehîr eylediğimde ol dahi kabûl ve meblağ-ı mezkûru ecel-i mezbûr hulûlünde bana edâya ta‘ahhüd eyledi deyü ikrâr ve tasdîkleri İstanbul Mahkemesi’nden huzûr-ı [âlîlerine i‘lâm olundu]
Fî 10 min-Cumâdelûlâ sene [1]257
|