İstanbul Mahkemesi 172 Numaralı Sicil (H. 1257-1258 / M. 1841-1842) cilt: 96, sayfa: 206 Hüküm no: 157 Orijinal metin no: [67-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia Hatun ile boşandığı Bolulu Dersiam Hasan Efendi’nin birbirlerinde olan nafaka, mehir ve eşya alacakları davasında zimmetlerini kabul ederek anlaştıkları Ma‘rûz Bâ-işâret-i aliyye sâdır olan fermân-ı âlîlerine imtisâlen sâhibe-i arzuhâl mu‘arrefetü’z-zât Rabia Hatun bt. Hüseyin İstanbul <> Mahkemesi’nde meclis-i şer‘-i münîrde zevc-i mutallıkı müderrisîn-i kirâmdan derûn-ı arzuhâlde mezkûrü’l-ism Boluvî Dersi‘âm el-Hâc Hasan Efendi b. Hasan muvâcehesinde mûmâ-ileyh el-Hâc Hasan Efendi zevc-i dâhilim iken şehr-i sâbık yani Zilka‘detü’ş-şerîfesinin yirmi dokuzuncu günü beni bâinen tatlîk etmekle zimmetinde mütekarrir ve ma‘kūdün-aleyh olan bin guruş mehr-i mu‘accel ve beş yüz bir guruş mehr-i müeccelim ile bakıye-i nafaka-i iddet ve meûnet-i süknâm için dahi bi’t-terâzî beynimizde ta‘yîn olunan dört yüz guruş ki cem‘an bin dokuz bir [dokuz yüz bir] guruşu hâlâ bana edâ ve teslîme ta‘ahhüd eylediğinden mâ‘adâ benden mutâlebe eylediği mecmû‘u dokuz yüz yetmiş guruş kıymetli defter-i müfredât eşyâ-i ma‘lûmeye müte‘allika da‘vâdan dahi benim zimmetimi kabûlümü hâvî ibrâ-i sahîh-i şer‘î ile ibrâ ve iskāt edip bu vechile kat‘-ı nizâ‘ eyledik deyü ikrâr ve tasdîkleri tescîl ve huzûr-ı [âlîlerine i‘lâm olundu] Fî 4 min-Zilhicce sene [1]257