Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 454 Hüküm no: 538 Orijinal metin no: [88b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ali’nin Sinan, Kirkor, Karlı Kalfa ve Adnan’da olan alacağını tahsil ettiği Mahmiye-i İstanbul’da Doğramacı tâifesinden Acem Mehmed b. Ali nâm kimesne meclis-i şer‘-i şerîf-i enverde işbu sâhibü’l-vesîka Sinan v. Ravan ve Kirkor v. Yani ve Karlı Kalfa v. Nikola ve Bıyıklıoğlu Onan v. Kirkor nâm zimmîler muvâcehelerinde ikrâr-ı tâm takrîr-i kelâm edip mezbûrûn Sinan ve Kirkor ve Karlı Kalfa ve Onan ile beynimizde nice ahz u i‘tâ ve mu‘âmelât-ı şettâ vâkı‘a olmuşdu el-hâletü beynimizde hesâb gördüğümüz[de] yedimden müşterâ ve makbûz ceviz ve ıhlamur, kayın ve ....? bahâlarından mezbûrûn zimmetlerinde bin beş yüz akçe hakkım zuhûr etmekle meblağ-ı mezbûr bin beş yüz akçemi mezbûrûn bana red ve teslîm ben dahi yedlerinden bi tamâmihâ ahz u kabz edip husûs-ı mezbûra ve târih-i kitâba gelince beynimizde cereyân eden sâir ahz u i‘tâya müte‘allika âmme-i da‘vâdan mezbûrûnun zimmetlerini ibrâ-i âmm-ı kātı‘ü’n-nizâ‘ eyledim dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’t-tâsi‘ aşer min Şa‘bâni’l-mu‘azzam sene seb‘a ve tis‘în ve elf. Şuhûdü’l-hâl: İbrahim Çelebi b. Ahmed, Mehmed b. İlyas, Receb b. Osman, Ali b. ( ).